Юридик масалалар бўйича

Марказий банк сўмларининг тўловга яроқлилик белгилари қандай тартибда аниқланади?

1. Барча хўжалик юритувчи субъектлар қуйидаги банкнотларни ҳеч қандай монеликсиз тўловга қабул қилишлари ва пул тушуми ҳисобида банкларга топширишлари лозим:
ҳар қандай қисмида тешик ёки йиртилиш бўлган, қоғози сийқаланган (ишқаланиш оқибатида юпқалашиб, юмшоқ қоғоз кўринишига келиб қолган) ҳамда доғлари бўлган ва турли расм ва (ёки) ёзувлар ёзилган банкнотлар;
йиртилиб бўлакларга ажралган ва елимланган пуллар - агар пулнинг қисмлари шубҳасиз битта банкнотга тегишли бўлса;
бўёқ моддалари ёки кислота тўкилган, табиий ранги ўзгарган, куйган, бўялган ёки чизилган пуллар;
умумий ҳажмининг 55 фоизидан кам бўлмаган қисмини сақланиб қолган банкнотлар.
2. Шикастланиш туридан қатьи назар (шакли бузилган, пачоқланган, сийқаланган (ишқаланиш оқибатида метали юпқалашган), тешилган, қирқилган, синдирилган, ишқорга солинган, бирор бир металл билан пайвандланган, оловда эритилган, кўкариб ва қорайиб кетган) ўзининг тўла ҳажмини ва олд томонидаги қиймати тасвирини сақлаб қолган ҳамда ҳақиқийлигига шубҳа туғдирмайдиган металл тангалар тўловга яроқли ҳисобланади.


ЖИСМОНИЙ ВА ЮРИДИК ШАХСЛАРНИНГ МУРОЖААТЛАРИ ТЎҒРИСИДА

1. 
   Жисмоний ва юридик шахслар ва уларнинг вакиллари орқали келиб тушган мурожаатлар қандай тартибда кўриб чиқилади?
   

Жисмоний ва юридик шахслар ва уларнинг вакиллари орқали келиб тушган мурожаатлар Ўзбекистон Республикасининг “Жисмоний ва юридик шахсларнинг мурожаатлари тўғрисида” қонуни доирасида кўриб чиқилади. (ЎзР 10.03.2020 й. ЎРҚ-608-сон Қонуни).

2. 
   Мурожаатлар шакли бўйича неча турга бўлинади?
   

Мурожаатлар шакли бўйича 3 (уч) турга бўлинади;

• 
  Оғзаки мурожаатлар,
  
• 
  Ёзма мурожаатлар,
  

Электрон шаклдаги мурожаатлар.

3.