Юридик масалалар бўйича

АТБ “Универсал банк” томонидан жисмоний шахсларга микроқарзлар кандай шартлар асосида ажратилади?

Микроқарзлар Ўзбекистон Республикаси Президентининг 2018 йил 23 мартдаги ПҚ-3620 сон қарорига асосан микроқарз Ўзбекистон Республикаси қонунларига мувофиқ фақат 18 ёшга тўлган муомала лаёқатига эга, доимий яшаш жойидан рўйхатдан ўтган, ўз фаолияти натижасида олинадиган расмий даромадлар ҳамда бошқа даромадларга эга бўлган жисмоний шахсларга ажратилади.
Микроқарзлар жисмоний шахсга унинг эхтиёжини қондириш мақсадида, товарлар (ишлар хизматлар), учун тўловларни амалга оширишда қонунчилик билан таъқиқланмаган мақсадларда фойдаланиш учун нақд ва нақдсиз (банк пластик картасига ўтказиб бериш орқали) пул маблағлари шаклида 50 000 000 (эллик миллион) сўмдан ошмайдиган миқдорда ажратилади.

22. 
    Қарз юки кўрсаткичи нима? Қарз юки қандай холларда хисобланади?
    

Қарз юки кўрсаткичи - қарз олувчининг кредит ёки микроқарзлари бўйича ўртача ойлик тўловлари миқдорининг унинг ўртача ойлик даромади миқдорига бўлган нисбати;
Қарз юки кўрсаткичи ҳар бир қарз олувчига банклар ва микрокредит ташкилотлари томонидан микроқарз ёки ломбардлар томонидан кредит (микроқарз) ажратишда унинг суммаси ва қарз олувчининг амалдаги кредит (микроқарз) шартномалари бўйича асосий қарз қолдиғи йиғиндиси базавий ҳисоблаш миқдорининг 50 бараваридан ошганда ҳисобланади.
Қарз берувчи томонидан кредитлар (микроқарзлар) ажратилаётганда жисмоний шахснинг қарз юки кўрсаткичи 50 фоиздан ошмаслиги керак.

23. 
    Истеъмол кредитлари ва қарзларининг тўлиқ қиймати нима тушунтириш беринг?
    

кредит ёки қарзнинг тўлиқ қиймати (бундан буён матнда КТҚ деб юритилади) - истеъмол кредити ёки қарз олиш билан боғлиқ тўловларининг ҳаққоний, йиллик ва самарали ҳисоблашдаги фоиз ставкаси ҳамда тўлиқ қиймати;
Банклар КТҚнинг миқдорини қарз олувчилар билан тузиладиган шартномаларда кўрсатишлари шарт. КТҚ миқдори шартноманинг биринчи варағининг ўнг юқори бурчагида, квадрат шаклдаги рамка ичига, оқ фонда қора ранг билан, 16 ўлчамдан кам бўлмаган яхши ўқиладиган шрифт билан, рақам ва сўзлар билан ёзилади.

24.