Юридик масалалар бўйича

ЧАКАНА ХИЗМАТИ

1. 
   Қандай шахслар Ўзбекистон Республикаси резидентлари деб ҳисобланади?
   

Ўзбекистон Республикасининг фуқаролари, Ўзбекистон Республикасида доимий яшаш жойи бўлган чет эл фуқаролари ва фуқаролиги бўлмаган шахслар, Ўзбекистон Республикасининг ҳудудида рўйхатдан ўтган юридик шахслар, Ўзбекистон Республикасининг иммунитет ва дипломатик имтиёзлардан фойдаланадиган хориждаги дипломатия ҳамда бошқа ваколатхоналари, шунингдек Ўзбекистон Республикаси ташкилотларининг чет элдаги, хўжалик ёки бошқа тижорат фаолияти билан шуғулланмайдиган ваколатхоналари.

2. 
   Ўзбекистон Республикасида қандай идора валютани тартибга солувчи давлат идораси хисобланади?
   

Валютани тартибга солувчи давлат идораси Марказий банк.

3. 
   Ўзбекистон Республикасида қандай давлат идораларивалюта назорати идоралари хисобланади?
   

Валюта назорати идоралари: Марказий банк, Хисоб палатаси, Давлат солиқ қўмитаси, Давлат божхона қўмитаси ва Молия вазирлиги.

4. 
   Валюта операцияларини амалга оширишга доир чекловлар қандай мақсадларда ва ким томонидан белгиланиши мумкин?
   

Валюта операцияларини амалга оширишга доир чекловлар жиноий фаолиятдан олинган даромадларни легаллаштиришга ҳамда терроризмни молиялаштиришга қарши курашиш мақсадида белгиланиши мумкин. Ўзбекистон Республикаси Марказий банки иқтисодий хавфсизликка таҳдид юзага келганда валюта операцияларини амалга оширишни вақтинча тўхтатиб қўйишга ёки уларга доир чекловлар жорий этишга ҳақли.

5. 
   Валюта қимматликларига нималар киради?
   

чет эл валютаси, номинали чет эл валютасида ифодаланган қимматли қоғозлар ва тўлов ҳужжатлари, норезидентлар томонидан чиқарилган, номиналга эга бўлмаган қимматли қоғозлар, соф қуйма олтин.

6. 
   Валюта операцияларини санаб беринг?
   

Валюта операцияларига қуйидагилар киради:
валюта қимматликларига бўлган мулк ҳуқуқининг ва бошқа ҳуқуқларнинг ўтиши билан боғлиқ операциялар;
валюта қимматликларидан тўлов воситаси сифатида фойдаланиш;
валюта қимматликларини Ўзбекистон Республикасига олиб кириш, жўнатиш ва ўтказиш, шунингдек Ўзбекистон Республикасидан олиб чиқиш, жўнатиш ва ўтказиш;
резидентлар ва норезидентлар ўртасида Ўзбекистон Республикаси валютасидаги операциялар.

7.