Yumshoq to’qimalarning shikastlanishi

Yumshoq to’qimalarning shikastlanishi

Birinchi yordam
Jarohatlar

Reja:

• Shikastlanish turlari.
• Teri shikastlanishi.
• Shikastlanganda birinchi tibbiy yordam.
• Jarohatlar va ularni davolash.

Тери Тери инсон организмида табиий ва энг катта орган ҳисобланади. Тери қуйидаги бир нечта вазифаларни бажаради: Организмга турли инфекцияларни киришига тўсқинлик қилувчи барьер вазифаси Организмда сув мувозанатини ушлаб туриш Терморегуляцияловчи функцияси Ҳимоя вазифаси – механик таъсирлардаги (зарб) энергияни ютиб, унинг остидаги органларни ҳимоя қилади. Атроф муҳит тўғрисидаги маълумотни қабул қилиш ва узатиш Терида 3 та қават фарқланади: Эпидермис, Дерма ва Тери ости ёғ қавати. Ҳар бири ўз вазифаларини бажаради.

Юмшоқ тўқималарнинг ёпиқ жароҳатланиши кўпинча тўмтоқ травма натижасида вужудга келади. бу турдаги жароҳатларнинг асосийлари бу – лат ейш, гематома ва эзилишдир. Лат ейиш Лат ейиш юмшоқ тўқималар жароҳатланишининг энг енгили ҳисобланади. Лат еганда эпидермис қавати зарарланмай қолади, аммо дерманингқон томир ва ҳужайралари жароҳатланади. Зарарланган тузилмаларда қон асосан дермада тўпланади. Бу эса лат еган жойнинг кўкимтир-қизғиш рангда кшринишига сабаб бўлади. Бундан ташқари лат еган жойда шиш ва оғриқ кузатилади.

Гематома Тери остида катта ҳажмдаги юмшоқ тўқималар жароҳатланганда йирик қон томирлар бутунлиги бузилади. Бу эса катта ҳажмда ва тезроқ қон қуйилишига олиб келади. Юмшоқ тўқималар жароҳатланган соҳаси чегарасида қон турли ҳажмда йиғилишига гематомалар деб аталади. Гематомалар фақатгина юмшоқ тўқималар жароҳатланганда ҳосил бўлмайди, балки улар суяклар синганда ёки бирор-бир аъзода қон томир жароҳатланганда ҳам вужудга келади. Йирик суяк синганда, яъни сон суяги синганда ўзида бир неча литр қон ҳажмини сақловчи гематомалар ҳосил бўлади. Бу эса ўз навбатида шокнинг ривожланишига олиб келади. гематомалар ҳосил бўлиши лат ейишга нисбатан юмшоқ тўқималарнинг кўпроқ жароҳатланганлигидан дарак беради.