Yumshatish. Rekristallizatsion yumshatish

g) Donadorli perlit olish maqsadida yumshatish. Bu usuldan evtektoiddan keyingi va legirlangan po‘lat buyumlardagi plastinka tarzdagi sementit donachalarini mayda donachali strukturaga o‘tkazish uchun foydalaniladi. Buning uchun po‘lat buyumni As, kritik temperaturadan biroz yuqoriroq temperaturaga (750–760°C) qizdirilib, shu temperaturada ma’lum vaqt saqlanib, keyin pech bilan birga sekin sovitiladi. Ma’lumki, po‘lat buyumlarni As, kritik temperaturadan biroz yuqoriroq temperaturada qizdirilganda perlit donachalari austenitga aylanishida, sementit donachalari saqlanadi. Po‘latni sovitishda esa sementit va bo‘lak donachalarga qo‘shimcha kristallanish markazlari bo‘lib donador strukturali perlit olinadi.