Yuk tashish mashinalari xaqida umumiy ma’lumot. Uzluksiz yuk tashish mashinalarining ish unumdorligi. Lentali konveyerlar

7.5 Qirg‘ichli konveyerlar.
Bunday konveyerlar changsimon, mayda donali yuklarni gorizontal, qiya (30-10°) va qo‘zg‘almas asos bo‘yicha sudrab tashish uchun ishlatiladi Ularda mo‘rt, nam, chigit, yo‘ishqoq va shunga o‘xshash yuklar tashilmaydi. Uning ish unumdorligi 50...350 t/soat va ayrim xollarda esa 700 t /soat, tezligi 0,16...0,4 m/s va ayrim xollarda esa 0,5...1 m/s gacha, tashish uzunligi 60-100 m gacha bo‘ladi.
Qirg‘ichli konveyerlar yukni siljitish prinsipiga va konstruktiv bajarilishiga ko‘ra 2 turga bo‘linadi. 1-turga baland qirg‘ichli konveyerlar, 2-turga esa yaxlit sudraluvchi qirg‘ichli konveyerlar kiradi.
Birinchi turga baland qirg‘ichli konveyerlar kiradi. Ikkinchi turga esa yaxlit sudraluvchi qirg‘ichli konveyerlar kiradi. Ya’ni bularda materialni siljitishda har bir qirg‘ich alohida porsiyani emas, balki nov kesimida to‘langan yaxlit massani siljitadi.
Afzalligi: konstruksiyasining oddiyligi, yuklash va bo‘shatish qulayligi, materialni turli joyga bunker orqali uzatish mumkinligi.
Kamchiligi: qirg‘ichlar, tortuvchi organ va novning tez eyilishi, deformatsiyalanishi va materialning parchalanib ketishi, energiyani ko‘p sarf bo‘lishi.

7.4-rasm. Qirg‘ichli konveyer
1-stanina; 2-bo‘shatuvchi qurilma; 3-taranglovchi qurilma; 4-etaklovchi yulduzcha; 5-yuklovchi qurilma; 6-tortuvchi zanjir; 7-ochiq nov; 8-qirg‘ich; 9-yetaklanuvchi yulduzchalar.
Tortuvchi organ sifatida zanjir yoki arqonlar ishlatiladi. Zanjirli qirg‘ichli konveyerlarda qadami 200, 250, 320 va 400 mm li plastinkali vtulka-katokli zanjirlar ishlatiladi. Ular yakka va ikki zanjirli turga bo‘linadi. Arqonli qirg‘ichli konveyerlar, asosan, g‘o‘la, o‘tin, yashik, bochka, tuproq shuningdek, ba’zi sochiluvchan materiallarni tashishda ishlatiladi.
Qirg‘ichlar qalinligi 3...8 mm bo‘lgan Po‘lat listdan yoki yog‘ochdan tayyorlandi. Yog‘och tez eyilishi sababli uni Po‘lat list bilan qo‘lanadi. Ular trapesiadal, yarim doiraviy yoki to‘g‘ri to‘rtburchak shaklli turga bo‘linadi.