Юк кўтариш қурулмаларининг турлари Юк кўтариш кран­лари

Саноат хавфсизлиги давлат қўмитасининг инспектори техник кўрикдан ўтказишни қуйидаги муддатларда амалга оширади: а) ташқи ва ички кўрикдан ўтказишни – ҳар тўрт йилда бир марта; б) гидравлик усулда синашни- ҳар саккиз йилда бир марта. Ишлаб чиқариш шароитларига кўра белгиланган муддатларда қозонни кўрикдан ўтказиш имкони бўлмаган вақтларда, қозон эгаси уни муддатидан олдин кўрикдан ўтказишга тақдим этиши зарур. Гидравлик усулдаги синовлар фақат ташқи ва ички кўрикдан ўтказишнинг ижобий натижалари олингандан кейин амалга оширилади. Қозон эгаси ички юзаларини тозалаш ёки элементларини таъмирлаш бўйича бажарилган ҳар бир ишлардан кейин, бироқ 12 ойда бир марта, шунингдек қозонни техник кўрикдан ўтказишга топширишдан олдин, мустақил равишда ташқи ва ички кўрикдан ўтказишни амалга ошириши зарур. Бунда қозонни соз ҳолда сақлаш ва ундан хавфсиз фойдаланиш бўйича масъул шахс қозонни кўрикдан ўтказишга топширишдан олдин аниқланган нуқсонларни бартараф этилишини таъминлаши зарур.
Қозонни навбатдан ташқари кўрикдан ўтказиш қуйидаги ҳолларда, амалга ошириш зарур: а) қозон 12 ойдан ортиқ вақт ишламаган бўлса; б) қозон демонтаж қилинган ва бошқа жойга ўрнатилган бўлса; в) қозоннинг асосий элементлари (барабан, коллектор, иссиқлик қувури, қувурли решетка, қозон чегараларидаги қувурлар, сухопарник, грязевик, оловли камера)даги мавжуд қавариб чиққан жойлари ёки чуқурчаларини, шунингдек пайвандлаш орқали таъмирлаш ишлари бажарилган ҳолларда; г) турли деворларининг 15 фоиздан ортиқ анкер уланишлари алмаштирилган ҳолларда; д) барабан, экран коллектори, буғни қайта қиздирувчи, буғ совутгич ёки экономайзер алмаштирилган ҳолларда; е) бир вақтнинг ўзида экранли ва қайнатувчи ёки дудбурон қувурларининг 50 фоизи ёки буғни қайта қиздирувчи ва экономайзер қувурларининг 100 фоизи алмаштирилган ҳолларда; ж) шу каби кўрикдан ўтказиш Саноат хавфсизлиги давлат қўмитасининг инспектори ёки қозонни соз ҳолда сақлаш ва ундан хавфсиз фойдаланиш бўйича масъул шахс томонларидан талаб этилган ҳолларда. Қозон ташқи ва ички кўрикдан ўтказишдан олдин совутилиши ва у қайнатиш қолдиқлари, қурум, кул ва шлак қолдиқларидан яхшилаб тозаланиши зарур. Барабандаги ички қурилмалари, кўрикдан ўтказишга ҳалақит берган ҳолларда, чиқариб ташланиши зарур. Деворлари ёки чокларининг созлигига шубҳа мавжуд ҳолларда, кўрикдан ўтказаётган шахс обмуровкасини очиш ёки изоляциясини тўлиқ ёки қисман очишни талаб қилиши мумкин, қозонни дудбуронлари билан биргаликда ички кўрикдан ўтказиш ҳолларида эса, қувурларни қисман ёки тўлиқ олиб ташлашни талаб қилиш ҳуқуқига эга.