Юк кўтариш қурулмаларининг турлари Юк кўтариш кран­лари

Қозонни техник кўрикдан ўтказиш ташқи, ички кўрикдан ўтказиш ва гидравлик усулда синашдан иборат. Техник кўрикдан ўтказишда путур етказмайдиган назорат, жумладан акустик эмиссия усулидан фойдаланишга рухсат берилади.
Ташқи ва ички кўрикдан ўтказиш қуйидаги мақсадларда амалга оширилади: а) бирламчи кўрикдан ўтказишда, қозон мазкур Қоидалар ҳамда қайд этишда тақдим этилган ҳужжатларга мувофиқ ўрнатилган ва жиҳозланганлигини, шунингдек қозон ва унинг элементлари шикастланмаганлиги текширилади; б) даврий, навбатдан ташқари кўрикдан ўтказишда қозоннинг созлиги ва ундан project.gov.uz 22.04.2021 22 кейинчалик фойдаланиш мумкинлиги белгиланади. Қозонни ташқи ва ички кўрикдан ўтказишда, унинг ташқи ва ички девор юзаларида мавжуд дарз кетишлар, ёрилган жойлари, шишиб чиққан жойлар, бўртиқлар ва занглаш ҳолатлари мавжудлиги, пайванд, тасма (парчин мих)ли ва вальцовкали уланишларда буғланиш ва тешиклар борлиги, шунингдек қозон элементи металлининг қизишига олиб келиши мумкин бўлган обмуровкасининг шикастланиши ҳоллари мавжудлигига аҳамият қаратилади.
Гидравлик усулда синаш қозон элементлари мустаҳкамлиги ҳамда уланишларнинг зичлигини текшириш мақсадида амалга оширилади. Гидравлик босимнинг синов ўлчамлари 4-сон илованинг 112-бандига асосан қабул қилинади. Гидравлик усулда синаш жараёнида 4-сон илованинг “Гидравлик усулда синаш” талабларига риоя этилиши зарур. Қозон, унга ўрнатилган арматуралари билан биргаликда гидравлик усулда синалиши зарур. Техник кўрикдан ўтказиш натижаларига кўра иш босими пасайтирилган ҳолларда, гидравлик усулда синашда синов босими рухсат берилган босимдан келиб чиққан ҳолда белгиланади. Янги ўрнатилган қозонларнинг бирламчи техник кўрикдан ўтказиш уларни монтаж қилиш ва қайд этишдан кейин амалга оширилади. Обмуровка қилинадиган қозонларни қайд этишдан олдин техник кўрикдан ўтказиш мумкин. Электр станцияларига ўрнатиладиган энергетик ва сув иситиш қозонларини техник кўрикдан ўтказишдан олдин, обмуровка қилинишига қуйидаги ҳолларда рухсат берилади: а) Саноат хавфсизлиги давлат қўмитасининг инспектори билан келишган ҳолда; б) барча монтаж қилинаётган блоклари обмуровка қилинишидан олдин синчковлик билан кўздан кечирилиши зарур. Бунинг учун электр станция, металл лабораторияси (хизмати) ва монтаж қилувчи ташкилот вакилларидан иборат комиссия ташкил этилиши керак. Кўрикдан ўтказиш жараёнида деталлар ва йиғма бирликларнинг бир-бирига нисбатан жойлашиши бўйича рухсат берилган ўлчамларга риоя этилиши, бириктирилаётган қувурлар четларининг сурилиши ва ўқларининг синганлиги, пайванд уланишларининг конструктив элементлари, қозон элементларида завод маркировкаси мавжудлиги ҳамда унинг паспортдаги маълумотларга мослиги, детал ва йиғма бирликларнинг транспортировка вақтида шикастланмаганлиги текширилади. Пайванд уланишларни (заводда ва монтаж қилишда) кўрикдан ўтказишнинг мазкур Қоидалар талабларига мувофиқлиги бўйича ижобий натижалари олинган бўлса, комиссия томонидан ҳар бир блокка далолатнома тузилиши ва электр станция бош project.gov.uz 22.04.2021 23 муҳандиси томонидан имзоланиши зарур. Ушбу далолатнома қозонни монтаж қилиш сифатини тасдиқловчи гувоҳноманинг ажралмас қисми ва қозонни техник кўрикдан ўтказишдан олдин обмуровка қилиш учун асос бўлади. Тўлиқ монтаж қилинган қозон ички кўрикдан ўтказиш ва гидравлик усулда синаш учун Саноат хавфсизлиги давлат қўмитасининг инспекторига тақдим этилиши зарур. Қозонни кўрикдан ўтказишда блокларни монтаж қилиш жараёнида зарбга дучор бўлганлиги ҳақида шубҳа уйғотадиган обмуровкасининг шикастланганлиги аниқланган ҳолларда, қувурларнинг ҳолатини аниқлаш ва мавжуд шикастланишни бартараф этиш мақсадида обмуровка қисман очилади.
Ишлаб чиқарган заводда ички кўрикдан ўтказилган ва гидравлик усулда синалган ва ўрнатиш жойига йиғилган ҳолда келтирилган қозонлар ўрнатиш жойида қозоннинг соз ҳолда сақланиши ва ундан хавфсиз фойдаланиш бўйича масъул шахс томонидан, далолатнома тузган ҳолда бирламчи техник кўрикдан ўтказилади.
Ички ва ташқи кўрикдан ўтказиш имкони бўлмаган қозон элементларининг техник ҳолатини текшириш ишлаб чиқарган заводнинг назорат ҳажмлари, усуллари ва даврийлиги кўрсатилган монтаж қилиш ва фойдаланиш бўйича йўриқномасига асосан амалга оширилиши лозим.