Yoshlar ishlari agentligi mahalladagi yoshlar yetakchisining namunaviy lavozim yo‘riqnomasi 1-bob. Umumiy qoidalar

b) mahallada yoshlarning bo‘sh vaqtini mazmunli tashkil etish, milliy 
xalq o‘yinlari va sport turlarini yoshlar orasida ommalashtirish, Besh muhim 
tashabbus loyihalari, yoshlar festivallari va boshqa madaniy-ma’rifiy 
tadbirlarni amalga oshirish sohasida: 
mahallada yoshlarni madaniy hordiq chiqarishlari uchun tizimli targ‘ibot 
tadbirlarini tashkil etadi; 
ta’lim muassasalari bilan birgalikda, faol mahalla yoshlarini jalb qilgan holda 
yoshlar ongi va qalbiga milliy istiqlol g‘oyalarini singdirish, ularni ona Vatanga 
sadoqat ruhida tarbiyalash va kamol toptirishga qaratilgan ma’naviy-ma’rifiy, 
tarbiyaviy loyihalar va ko‘rik-tanlovlarni amalga oshiradi; 
mahalladagi yoshlarni yoshi ulug‘ keksalarga hurmat ruhida tarbiyalash, 
ularni e’zozlash bo’yicha “Nuroniylar e’zozimizda” tadbirlarini amalga oshiradi; 
mahalla yoshlari o‘rtasida madaniyat, adabiyot va san’at turlarini keng 
namoyon etishga qaratilgan “Kamalak” yulduzlari” Respublika bolalar ijodiyoti 
festivallarini tashkil etishda ishtirok etadi; 
yoshlarni milliy va umuminsoniy qadriyatlar, milliy g‘urur va iftixor, 
bag‘rikenglik, bunyodkorlik, mehr-oqibat g‘oyalari ruhida tarbiyalash, baxshichilik 
va an’anaviy ijro, opera, estrada yo‘nalishlarida ijod qilayotgan yosh iste’dodlarni 
san’atini qo’llab-quvvatlashga qaratilgan “Yoshlar ovozi” festivallarini tashkil 
etadi; 
festivallar, tanlovlar va boshqa tadbirlar g‘oliblari, qatnashchilari va faxriy 
mehmonlarini esdalik sovg‘alari bilan mukofotlaydi; 
mahalla hududidagi ta’lim muassasalari rahbarining ma’naviy ma’rifiy ishlar 
bo‘yicha o‘rinbosarlari bilan kitobxonlik tadbirlarini muntazam tashkil etadi; 
“Kitobxon avlod” loyihasi, “Yosh kitobxon” va “Yosh kitobxon oila” 
tanlovlarini amalga oshirishga ko‘maklashadi; 
mahalla yoshlarining bo‘sh vaqtlarini mazmunli tashkil etishga qaratilgan 
“besh tashabbus” to‘garaklari faoliyatini yo‘lga qo‘yadi; 
yoshlarning teatr va san’atga bo‘lgan qiziqishlarini oshirishga qaratilgan 
“Ko‘chma teatr” loyihalarini amalga oshiradi; 
besh muhim tashabbus doirasida faoliyati yo‘lga qo‘yilgan madaniyat, san’at, 
sport, axborot kommunikatsiya texnologiyalari, qizlarning ijtimoiy faolligini 
oshirish bo‘yicha va boshqa yo‘nalishlardagi to‘garak va klublardagi yoshlarning 
ishtiroki bo‘yicha monitoring yuritadi, shuningdek “Barkamol avlod” maktablari 
bilan hamkorlik qiladi; 
yoshlar o‘rtasida Vatanga muhabbat va sadoqat, fidoyilik, ularda islohotlarga 
daxldorlik fazilatlarini tarbiyalash, milliy qadriyatlar, urf odatlar, muqaddas 

---

4 
an’analarimizning hozirgi hayotimizdagi o‘rni va ahamiyatini har tomonlama ochib 
berishga yo‘naltirilgan ma’naviy-ma’rifiy tadbirlar o‘tkazilishini muvofiqlashtiradi; 
aholi, ayniqsa, yoshlarni hurmat-ehtirom va bag‘rikenglik ruhida tarbiyalash, 
millatlararo totuvlik va o‘zaro mehr-oqibat muhitini yanada mustahkamlash 
bo‘yicha ma’naviy-ma’rifiy tadbirlarni amalga oshiradi; 
mahalla yoshlari istiqomat qilayotgan hududdagi tarixiy obidalar, muqaddas 
qadamjolar, muzeylar, teatrlar, mustaqillik davrida barpo etilgan inshootlarga 
tashriflarni uyushtiradi; 
yoshlar tarbiyasida mahalla faollari va nuroniylarning ijtimoiy faolligini 
oshirish choralarini ko‘radi; 
maktablardagi kompyuter sinflaridan darsdan tashqari vaqtlarda yoshlar 
o‘rtasida kompyuter texnologiyalari va internetdan samarali foydalanishni tashkil etadi.