Birlamchi aqliy hujum Mavzuga chuqurlashish (o‘quv materialini taqdim etish)dan oldin trener guruhga mavzuga
oid umumiy savol beradi va unga javob berishni so‘raydi. Masalan, loyihani tayyorlash haqida
gapirib, trener: “Ekologiya deganda nimani tushunasiz?” va shu kabi savollarni o‘rtaga tashlashi
mumkin. Guruh javoblari tayanch so‘zlar ko‘rinishida oq qog‘ozga yoki doska (yozuv taxtasi)ga
yozib boriladi. Trener o‘z chiqishining asosiy mazmunini ifoda etuvchi barcha tayanch so‘zlar
chiqmagunicha yo‘naltiruvchi savollar yordamida aqliy hujumni davom ettiradi.
Endi doskada qayd etilgan tayanch so‘zlarni oldindan tayyorlangan rejaga asoslanib
birlashtirish va kerakli mazmun bilan to‘ldirish lozim. Agar siz bunda tayanch so‘zlarning
mualliflarini eslab o‘tsangiz (“Bahodir to‘g‘ri ta’kidlaganlaridek... yoki Doniyor menga yana bir
holat (jihat)ni eslatdilar...), guruh a’zolari bu axborotni o‘zlari bergandek tasavvur tug‘iladi va,
ta’lim olayotganlarini sezmagan holda, uni o‘zlarinikidek qabul qiladilar.
98
Bundan tashqari, siz tayyor ko‘rgazmali qurolga ega bo‘lasiz; zarur hollarda kerakli so‘zni
marker bilan ajratish, tagiga chizish orqali guruh e’tiborini unga qaratishingiz lozim bo‘ladi xolos.