Yosh tengdoshlar

 
 
Tanishuv davrasi 
Ishtirokchilar davra bo‘lib turadilar. Ishtirokchilardan biri davra o‘rtasiga chiqib, ismini 
aytadi va o‘ziga xos yoki o‘ylab topilgan harakat yoxud imo-ishorani ko‘rsatib, yana joyiga 
qaytadi. Hamma ishtirokchilar uning harakati, so‘zlash ohangi, imo-ishorasini iloji boricha aynan 
takrorlaydilar. Shunday qilib, har bir ishtirokchi o‘z ismini aytadi va o‘z harakati yoki imo-
ishorasini ko‘rsatadi.
 
 
Bo‘yingizga qarab saflaning! 
Ishtirokchilar davrada zich joylashib, ko‘zlarini yumadilar. Ular ko‘zlari yumiq holda 
bo‘ylariga qarab saflanishlari kerak. Har bir ishtirokchi o‘z joyiga turgach, ular ko‘zlarini ochib, 
nima bo‘lganini ko‘radilar. Mashqdan so‘ng topshiriqni bajarish oson yoki qiyin bo‘lganini, ular 
o‘zlarini qanday his qilganlarini muhokama qilish mumkin. 
Izoh: bu o‘yinning bir necha xil ko‘rinishi mavjud. Ishtirokchilarga ko‘zlarini yummasdan, 
ko‘z qorachig‘i rangiga, soch rangiga (och rangdan to‘q rangga qarab), qo‘llarning iliqligiga va 
h.z. ko‘ra saflanish topshirig‘ini berish mumkin.