Muomala odobi Darsning maqsadi: a ta’limiy maqsad

10.11 Ijtimoiy-maishiy yo‘nalish

Muomala odobi
Darsning maqsadi:
a) ta’limiy maqsad: o’quvchiga muomala odobi haqida tushuncha berish;
b) tarbiyaviy maqsad: o’quvchini ozoda, saranjom, intizomli va rejali qilib tarbiyalash;
c) rivojlantiruvchi maqsad: o’quvchida mustaqil va erkin fikrlash ko’nikmalarini rivojlantirish, jismoniy barkamolligini kuchaytirish.
Darsning metodlari: aqliy hujum, savol-javob, muloqot
Dars usuli: noan’anaviy.
Darsda qo’llaniladigan vositalar: mavzuga oid rasmlar, noutbuk, slayd
1. Tashkiliy qism: salomlashish, yangiliklar haqida suhbat.
2. O’tilgan mavzuni takrorlash:
Inson o‘z ota-onasini va o‘zini familiyasini, ismini va otasining ismini bilishi muhim.


Yangi mavzu bayoni: Muomala odobi _ bu inson ko'rki bo'lib, insonga bo'lgan samimiy mehr-muruvvat mezonidir. Bu mezonga izchil amal qilish odamlarni bir-biriga yaqinlashtiradi, o'zaro ishonchni mustahkamlaydi.
Odamlar o'rtasidagi munosabatni belgilaydigan muomala inson yuragini ko'zguda aks etgandek namoyon etadi. Kishining so'zidan, muomalasidan uning qanday odam ekanligini bilib olish qiyin emas. Inson kamolotida, hayot rivojida, ish yuritishda, odamlar sihat-salomatligini muhofaza qilishda muomala asosiy omildir.
"Bug'doy noning bo'lmasa ham, bug'doy so'zing bo'lsin", deydi xalqimiz.

Salomlashishning ham o‘z odobi, qoidalari bor. Ikki kishi bir-biriga duch kelganida, xoh tanish, xoh notanish bo‘lsin, salom berishlari kerak. Salomni «Assalomu alaykum!» yoki «Assalomu alaykum va rohmatullohi va barokatuh!» deb to‘liq aytish kerak. Javob ham to‘liq bo‘lishi shart. Katta-kichikka, otliq (har qanday ulovdagi odam) piyodaga, yurgan o‘tirganga, ozchilik ko‘pchilikka salom beradi.
Afsuski, ko‘pchiligimiz buni bilmaymiz yoki bilsak ham amal qilmaymiz. Juda ko‘p hollarda salomlashish so‘zlari buzib aytiladi. "Assomu alaykum", "Somaleykum" va hokazo... Vaholanki, "Assomu alaykum" "Sizga o‘lim tilayman" degan ma'noni bildirishi haqida ko‘p gapirildi.