Yosh huquqshunoslar

Uyga vazifa: Mavzuni o'qish va o'rganish
MMIBDO’____________________

29-Mavzu : Siyosiy partiyalar faoliyati

Reja:

Darsning maqsadi:

1.Ta`limiy maqsad: O`quvchilar mavzu bilan tanishtirish va tushuntirish.

2.Tarbiyaviy maqsad:O`quvchilarni qonunlarga hurmat qilish ruhida tarbiyalashda ahloqiy fazilatlarni shakllantirish.

3.Rivojlantiruvchi maqsad: O`quvchilarni mustaqil fikrlashga o`rgatish

.

Mavzu ustida ishlash natijasida:

demokratik huquqiy davlatda partiyalar faoliyatining ahamiyati haqida;

O‘zbekiston Respublikasida siyosiy partiyalar faoliyati va ularning dasturlari haqida bilib olasiz

Fuqarolarning davlatni boshqarishdagi ishtiroki

O‘zbekiston Respublikasida ko‘ppartiyaviylik tizimining shakllanishi

 

FUQAROLARNING DAVLATNI BOSHQARISHDAGI ISHTIROKI

Kishilar hayotida turli-tuman muammolar mavjuddir. Ana shu muammolardan ayrimini odam bolasi bir o‘zi, boshqalarini esa faqatgina o‘zgalar bilan uyushib, tadbirkorlikni rivojlantirish bilan bog‘liq bo‘lgan muammolarni: tadbirkorlar manfaatlarini himoya qilish, kredit olish, soliqqa tortish, tashqi bozorga chiqish masalalarini hal qilish mumkin. Tadbirkorlar uyushmasi ham aynan ana shu maqsadlarda tuziladi. Shuningdek, boshqa guruhlar: pensionerlar, nogironlar, yoshlar, o‘qituvchilar, shifokorlar va hokazolar ham o‘z muammolarini hal qilish maqsadida uyushadilar.

Topishiriq

To‘rt guruhga bo‘lining.

Sizning guruhingiz eng uyushgan va totuv ekanligini, shuning uchun ham uning vakillari qonun chiqaruvchi organ deputatlari orasida ko‘pchilikka ega bo‘lishi kerakligini isbotlashga harakat qilib ko‘ring.

Mana, demokratik jamiyat davlat hokimiyati organlarida ana shu guruhlardan faqat bittasining vakillari bo‘lishining imkoni yo‘qligiga o‘zingiz ham ishonch hosil qildingiz. Ana shu guruhlardan har birining manfaatlari ifoda etilishi va himoyalanishiga qay yo‘sinda erishish mumkin?
Topshiriq

6 guruhga bo‘lining: 2 guruh siyosiy partiyalarni, qolganlari esa pensionerlar, yoshlar, fermerlar va ayollar vakillarini ifodalaydi.

Siyosiy partiyalarning vakillari dasturlar ishlab chiqib, ularda yuqorida aytib o‘tilgan guruhlar manfaatlarini inobatga olgan holda o‘z maqsad va vazifalarini belgilaydilar hamda qo‘llab-quvvatlashiga erishish uchun ular o‘rtasida targ‘ibot ishlarini yuritadilar.

Pensionerlar, yoshlar, fermerlar va ayollar guruhlari ulardan har biriga xos bo‘lgan muammolar doirasini aniqlaydi.

Targ‘ibot ishlari davomida ana shu partiyalardan qaysi birini afzal ko‘rishingiz aniqlanishi lozim.

 

O‘ZBEKISTON RESPUBLIKASIDA KO‘PPARTIYAVIYLIK TIZIMINI SHAKLLANISHI

Siyosiy partiyalar tuzish va ularning ishida ishtirok etish fuqarolarning muhim siyosiy huquqlaridan biri sanaladi. Xo‘sh, siyosiy partiya nima, o‘zi?

Yodda tuting!

Siyosiy partiya – bu qarashlar, manfaatlar va maqsadlar mushtarakligi asosida tashkil topgan va o‘z oldida hokimiyatning davlat organlarini shaklantirish hamda ular faoliyatida ishtirok etishni maqsad qilib qo‘ygan fuqarolarning ixtiyoriy birlashmalaridir.

Tarix yakka partiyaviylik tizimi davlatda diktatura o‘rnatilishiga olib kelishini tasdiqladi. Ko‘ppartiyaviylik tizimi esa fuqarolarga turli partiyalardan nomzodlarni tanlab olishga va jamiyatni rivojlantirish borasidagi u yoki bu dasturga afzallik berishga imkon yaratadi.

Qonun belgilaydi

Siyosiy partiyalar turli tabaqa va guruhlarning siyosiy irodasini ifodalaydilar va o‘zlarining demokratik yo‘l bilan saylab qo‘yilgan vakillari orqali davlat hokimiyatini tuzishda ishtirok etadilar.

O‘zbekiston Respublikasi Konstitutsiyasining 60-moddasidan.

Har bir fuqaroda o‘zining fikricha uning manfaatlarini ifodalaydigan, mamlakat taraqqiyotiga imkon yaratib beradigan partiyani tanlab olishi uchun demokratik huquqiy davlatda kamida ikki partiya bo‘lishi kerak.

Hozirgi  kunda ko‘ppartiyaviylik tizimi shakllanishi jarayoni davlatimizda ham rivoj topmoqda.