Yosh gandbolchilarda jismoniy sifatlarni rivojlantirish metodikasi

Zonali himoya. Bu tizimda har bir himoyachining harakat qilish zonasi aniqlanadi, ya’ni uning zonasiga kirgan har bir hujumchini zich panohgoh bо‘lishga harakat qiladi.
О‘yinchilar himoyaga qaytib kelib, о‘zlari tanlagan joylarini egallaydi, sо‘ng hujumchilarning siljishi va tо‘pning almashtirilgan joyi tomon harakat qiladi. Hujumchining tо‘p bilan qilgan xar qanday harakatiga shu zonadagi himoyachi javobgardir. Birmuncha xavfli bо‘lgan 10-12 m masofadan hujum qiluvchi hujumchiga unga yaqin bо‘lgan himoyachi chiqadi, boshqalar esa bо‘sh qolgan joyni tо‘ldiradi.
О‘yinchilarning himoyada joylashishining bir necha variantlari mavjud bо‘lib asosan ularning beshtasi markazda va qolgan ikkitasi ularning orqasida. U yoki bu variantni tanlash raqib о‘yinchilarining tarkibi va harakat qilishlariga bog‘liq. Uzoq masofadan natijali hujum qiladigan jamoaga qarshi ikki chiziq bо‘ylab mudofaa tashkil etiladi, burchakdagi va chiziq bо‘ylab himoyachilarning bir – ikki qator mudofaa qilish chizig‘ida joylashish usuli qо‘llaniladi. Keng tarqalgan zonada himoya qilish tizimlari qatoriga 6 – 0, 5 – 1, 4 –2, 3 – 3 lar kiradi.
Har bir variant о‘zining turiga ega. Shunday qilib, 5 – 1 oldinga chiqarilgan о‘yinchi har xil usulda harakat qilishi mumkin; tо‘p bilan bо‘lgan о‘yinchiga xujum qilish, bombardir о‘yinchiga qarshi harakat qilish yoki umumiy xujumdan chetlashtirish maqsadida markazdagi о‘yinchining, unga qarshi о‘ynashi.
Zonali himoyani qо‘llashda muximi darvozaga tо‘p otishga xalaqit qilish bilan cheklanmaydi, balki hujumchilarning zonaga kirishiga yо‘l qо‘ymaslik va ularni erkin tо‘p uzatish imkoniyatini murakkablashtirishdir. Zonali himoyada о‘yinchi xar doim harakatchan, egiluvchan va shiddatkor bо‘lishi talab etiladi. Uning qudrati, shaxsiy himoyaga yaqinlashgan sari ortaveradi. Raqiblarning joylashishini dastlabki holatga qaytarish yoki xamma о‘yinchilarni zich panoxgoxda ushlashni kuchaytirish maqsadida shunday joylashtirishlar qо‘llaniladi.
Aralash himoY. Bu tizimda shaxsiy va zonali himoyaning ijobiy tomonlari birlashtirildgan. Ikki asosiy tamoyil manfaati aloxida о‘yinchiga qarshi harakat va zonadagi mudofaani natijali qilishdir.
Bunday himoya quyidagi variantlarga bо‘linadi: 5+1, 4+2, 1+4+1. bularning anglatishicha, о‘yinchilarning bir qismi (birinchi raqam) zonani ushlab turadi. Boshqalari esa, (ikkinchi raqam) xujumchini shaxsan himoya qiladi.
Variant 5+1 - himoyachini tashkil etishda kо‘p uchraydigan usuldir. Bunda о‘yinchilar 6 – 0 zonadagiga о‘xshab harakat qiladilar, о‘yinchilardan biri esa kuchli hujumga qarshi shaxsiy himoyada о‘ynaydi.
Variant 1+4+1 raqiblar jamoasi chiziq bо‘ylab о‘ynaydigan bо‘lsa, shunga qarshi qо‘llaniladi va u о‘yinchini himoyachidan birga panohgoxlik qilish yuklanadi.
Himoyada muvaffaqiyatli о‘ynash, barcha himoya tizimlarini tо‘la takomillashtirib egallashga va shaxsiy himoyada yaxshi harakat qilishni bilishga asoslangan. Keyinchalik zona variantlarining birini qо‘llash va undan sо‘ng aralash himoyaga о‘tish hujum qilishida raqiblar oldiga murakkab vazifalar qо‘yadi.