Yordamchi moddalarni va texnologik jarayonni dori voitalarining biologik samaradorligiga ta’siri Maqsad

Yordamchi moddalarni va texnologik jarayonni dori voitalarining biologik samaradorligiga ta’siri
Maqsad. XI DF tomonidan tavsiya etilgan standart asbobda kajavaning aylanishlar soni 50, 100, 150 va 200 ay/daq (aylanish/daqiqa). SHunga asosan kajavaning aylanishlar tezligi 50, 100, 150 va 200 ay/daq bo‘lganda tayyor dori vositasi tarkibidan biologik faol moddaning ajralib chiqish tezligini o‘rganish asosiy maqsadlardan biri qilib belgilandi.
Mavzuning ahamiyati. Ma’lumki, “Eruvchanlik” testini aniqlashda kajavaning mo‘‘tadil aylanish tezligini aniqlash ahamiyatlidir. Sababi tanlangan tarkib va texnologiyaning maqsadga muvofiqligi kajavaning mo‘‘tadil aylanish tezligiga to‘g‘ri proporsional bo‘lishi lozim.
Tayyor dori turlarining texnologiyasini ishlab chiqishda biofarmatsevtik tadqiqotlar alohida muxim ahamiyat kasb etadi. CHunki, ma’lum farmakologik ta’sirga ega bo‘lgan faol moddadan u yoki bu dori turini tayyorlashda avvalam bor o‘zlarining kimyoviy jihatdan kelib chiqishi turlicha bo‘lgan yordamchi moddalar majmuasi qo‘llaniladi. Qolaversa, texnologik jarayonlarni amalga oshirishda “faol modda – yordamchi modda” kompleksiga turli fizikaviy, fizik-kimyoviy va kimyoviy omillar ta’sir ko‘rsatishi mumkin. Bu esa o‘z navbatida ta’sir etuvchi va yordamchi moddalar o‘rtasida muhit rn ining o‘zgarishi, fizikaviy yoki kimyoviy modifikatsiyalarga o‘tishi, kompleks birikmalar hosil qilishi, eruvchanlikni o‘zgarishi, sorbsiya xodisasi, shu jumladan adsorbsiya, absorbsiya, xemosorbsiya va boshqa xodisalar sababli yuzaga kelishi mumkin bo‘lgan holatda tayyor dori turining terapevtik samaradorligini u yoki bu tarafga o‘zgartirishi mumkin.
YUqoridagilarni inobatga olgan holda o‘rganilayotgan tayyor dori vositasining ta’sir samaradorligini baholashda muxim o‘rin tutuvchi biofarmatsevtik tadqiqotlar amalga oshirilishi lozim.