Yong‘in xavfsizligi profilaktikasi

2-MASHG‘ULOT.
ODAMLARNI QUTQARISHDA UCHRASHI MUMKIN BO‘LGAN TO‘SIQLAR.


BIRINCHI O‘QUV SAVOLI:
ESHIKLARNI O‘RNATILISH TARTIBI VA DEVORLARDAN
CHIQIB TURGAN QURILMALAR
Vaziyat taqazo qilganda insonlarni binolardan evakuatsiya qilish uchun uning rejalashtirilishi va qutqarish yo‘larining konstruktiv bezalgani xamda qanday xolatda foydalanilayotganligi katta ahamiyatga ega.
Evakuatsiya chiqish joylarini ratsional tarzda o‘rnatilganligi, chiqish eshiklarining kengligi, zinapoyalarning, yo‘laklarning va o‘tish joylarining to‘g‘ri o‘rnatilganligi yong‘in paytida insonlarni harakatini yaxshi ta’minlab beradi.
Binolarni qurish jarayonida noto‘g‘ri qurish yoki keyingi davrda binoni bezash maqsadida o‘rnatiladigan jihozlar insonlar harakatiga va ularni evakuatsiya qilishda xavf tug‘diradi bularga qiyaliklar kiradi.
Qiyaliklar zinapoyalar uchun 1:2, binolar ichidagi pandus 1:6 va binoni tashqarisidagi pandusi uchun 1:8 tashkil qiladi. Zinapoya marshi Z tadan kam va 18 tadan ko‘p bo‘lmasligi kerak. Turar joy binolaridagi va jamoat uylari uchun zinapoya marshlarining balandligi 15 sm va kengligi 30 sm bo‘lishi lozim.
Yo‘laklar, o‘tish joylari, faye va zinapoyalarda chiqib turgan joylar, skulpturalar, arxitektor bezaklari, oynalar, markaziy isitish quvurlari, ichki yong‘in o‘chirish jumraklari shu va shu kabi to‘siqlar insonlarni qutqarishda juda katta xavfli ta’sir ko‘rsatishi mumkin.