Yong‘in xavfsizligi profilaktikasi

Avtomatik boshqaruv- avtomatik yong‘in o‘chirish yoki yong‘in signalizatsiyalarning topshiriq impulsi yordamida (bilan) XBEBT ni ishga tushirish.
Yarim avtomatik boshqaruv- avtomatik yong‘in o‘chirish yoki yong‘in signalizatsiyalarning topshiriq impulsi qabul qilinganda, dispetcher tomonidan XBEBT ni ishga tushirish.
YOHXBEB tizimlari, binoda mavjud bo‘lgan odamlarni o‘z vaqtida evakuatsiya qilishni tashkillashtirish maqsadida, ularga yuz bergan yong‘in haqida xabar berish uchun mo‘ljallangan. Alohida hollarda bu tizimlar, yong‘in xavfsizligi xizmati xodimlari tomonidan odamlarni evakuatsiya qilishni boshqarish, vahimani oldini olish va YOXB harakatlarini boshqarish uchun qo‘llanilishi mumkin.
Yong‘in haqida odamlarga xabar berish va ularni evakuatsiya qilishni boshqarish, quyidagi ko‘rsatilgan usullarning biri orqali amalga oshirilishi kerak: binoning doimo yoki vaqtinchalik odamlar bo‘ladigan barcha xonalariga ovozli va (yoki) yorug‘likli signallarni berish; evakuatsiyaning zarurligi, evakuatsiya yo‘llari, harakatning yo‘nalishi va odamlarning xavfsizligini ta’minlashga qaratilgan boshqa harakatlar haqidagi matnlarni eshittirish; vahima (sarosima) va evakuatsiyani murakkablashtiradigan boshqa xodisalarni oldini olish uchun maxsus tayyorlangan matnlarni eshittirish; evakuatsiya yo‘llarida xavfsizlik belgilarini joylashtirish; xavfsizlikning evakuatsion belgilarini yoqish; evakuatsion yoritish tizimini yoqish; evakuatsiya chiqish joylarining eshiklarini masofadan turib (distansion tarzda) ochish (masalan, elektromagnit qulflar bilan jihozlangan eshiklarni); dispetcherlik-yong‘in o‘chirish postining yong‘in haqida xabar berish hududlari bilan aloqa qilishi.
Xabar berish matni 20-30 soniya oraliq bilan uzluksiz, osoyishta ovozda o‘qilishi kerak.
YOHXBEB tizimlari quyidagi jihozlardan iborat: radiouzelda joylashgan uzatish jihozi; tarqatuvchi radioeshittirish tarmog‘i; radiokarnay (baland tovushda gapirish moslamasi) va oldindan magnit tasmasiga yozilgan matn bilan birga magnitafon.