Yo’nalishga kirish

Хavfli 
moddalar
– toksik, kanserogen, mutagen, teratogen yoki 
bioakkumlyatsiyalanadigan moddalar. 
Хavfli chiqindilar
– xavfli xossalarga ega (toksik, portlash xavfi bo’lgan, 
yong’indan xavfli, yuqori darajada reaksiyaga kirishadigan) yoki yuqumli 
kasalliklar qo’zg’atuvchilari bo’lgan, mustaqil yoki boshqa moddalar bilan 
birikkan holda, atrof tabiiy muhit yoki inson salomatligi uchun bevosita yoki 
potensial xavf tug’diruvchi zararli moddalardan tashkil topgan chiqindilar. 
Hayotiy makon
– qarab chiqiladigan populyatsiyaning bitta turiga to’g’ri 
keladigan o’rtacha maydon. Inson nuqtai nazaridan, hayotiy makon bu berilgan 
iqtisodiy ijtimoiy sharoitlarda bir kishining ehtiyojlarini qondirish uchun zarur 
bo’lgan hudud. 
Хavf
-xayot faoliyat xavfsizligining markaziy tushunchasi bo’lib, u hodisa, jarayon 
va ob’ektlarning inson sog’lig’iga to’g’ridan to’g’ri yoki bilvosita ma’lum 
sharoitda qay darajada zarar yetkazish qobiliyatini ko’rsatadi, ya’ni ko’ngilsiz 
oqibatlarni olib keladi. 
Havfsizlik
-bu faoliyatning holati bo’lib, ma’lum ehtimollikda havflarning kelib 
chiqishini bartaraf qilishdir. 
Хavfsizlik bu insonlar oldiga qo’yilgan maqsaddir. 
HFХ esa maqsadga erishishning vosita, yo’l va usullaridir. 
Тaksonomiya
bu murakkab hodisalar, tushunchalar va ob’ektlarni sinflashtirish va 
tizimlashtirish haqidagi fandir. Havflar taksonomiyasi tushunchasi xavflarni qonun 
bo’yicha joylashtirish degan ma’noni beradi. Modomiki shunday ekan xavf ko’p 
belgilarga ega bo’lgan murakkab iyerarxik tushunchadir. Faoliyat xavfsizligi 
sohasida ilmiy bilimlarni tashkil qilishda xavflarni taksonomiyalash muhim rol 
o’ynaydi va ularning tabiatini chuqur bilishga undaydi. 
Хavflar nomenklaturasi
ma’lum belgilarga ko’ra tizimlashtirilgan xavfli nom va 
so’zlar ro’yxatidir. 
Kvantifikatsiya
murakkab tushunchalarning sifatini aniqlashda sonli tavsiflarni 
joriy qilishdir. 
Amalda kvantifikatsiyaning sonli, balli va boshqa usullari qo’llaniladi. Havflarni 
baholashning eng tarqalgan usuli tavakkaldir. 

---

Identifikatsiya
deganda hayot faoliyati xavfsizligini ta’minlashga va ish sharoitini 
yaxshilashga yo’naltirilgan oldini olish va tezkor tadbirlarni yaratish uchun zarur 
va yetarli bo’lgan sonli, vaqtinchalik, fazoviy va boshqa tavsiflarni topish va 
aniqlash jarayoni tushuniladi. 
Sabab
bu potensial (yashirin) xavflarni yuzaga keltiruvchi sharoit.
Boshqacha qilib aytganda, sabablar vaziyatlar to’plamini xarakterlaydi, unga ko’ra 
xavflar paydo bo’ladi va u yoki bu kutilmagan oqibatlar va zararlarni keltirib 
chiqaradi.