Yo. Abdullayev, T. Qoraliyev, sh. Toshmurodov, S. Abdullayeva

7-bob. KREDIT SHARTNOMALARI 

 

 7.1. Shartnoma to‘g‘risida tushuncha va uning turlari 

 

[236]. Qadimda odamlar o‘rtasidagi ijtimoiy-iqtisodiy munosabat-

larni berilgan so‘zga ishonch, lafz, halollik singari insoniy fazilatlar 

tartibga solib turgan. Zamonlar o‘zgarishi, taraqqiyot tezlashuvi bilan 

mazkur munosabatlar ham takomillashib bordi. Fan va texnika asriga 

kelib, axborot almashuvining mislsiz sur’atda oshishi o‘zaro aloqalar-

ning yangi bosqichiga yo‘l ochdi. 

Ahdlashuvlarni o‘zaro tenglik va adolat me’yorlariga asoslangan 

yangi turi – shartnomalar vujudga keldi va mantiqiy ravishda jamiyat 

taraqqiyotining harakatlantiruvchi kuchiga aylandi. 

Bugungi kunda shartnoma mahsulot oluvchi bilan uni yetkazib 

beruvchi o‘rtasidagi ahdlashuv bo‘lib, unda bir tomon mahsulotni o‘z 

vaqtida yetkazib berish, ikkinchi tomon esa o‘z vaqtida pulini to‘lash 

majburiyatini oladi. Mazkur hujjatda tomonlarning huquq va majburi-

yatlari yozma ravishda rasmiylashtiriladi. Eng muhimi, unda talab va 

taklif mutanosibligi, ya’ni o‘zaro manfaatlar o‘z aksini topadi. Yanada 

soddaroq qilib aytganda: