Yil volontyori

2020-yil 1-yanvardan 2021-yil 1-iyulgacha bo‘lgan davrda siz ishtirok etgan tadbirlar, aksiyalar, loyihalar haqida yozing.

2020-yil 27-noyabr sanasida Farg’ona shahrida tashkil etilgan “Respublika Lider qizlar festivali” da jamoatchilik yo’nalishida “Imkoniyati cheklangan va kamta’minlangan ayol - qizlarni qo’llab-quvvatlash” nomli loyihasi bilan faol ishtirok etdi va esdalik sovg’alari hamda sertifikat bilan taqdirlandi. Ushbu festivalda jamoatchilik yo’nalishi sardori sifatida o’zining tashabbuskor nutqi hamda teran fikrlashi bilan ishtirokchilar e’tiborini qozondi. 2020-yil dekabr oyida Respublika iqtidorli talaba-yoshlar klubi Farg’ona viloyati kengashi tomonidan mehribonlik uylari tarbiyalanuvchilari uchun tashkil etilgan ”Xayriya”aksiyasida ilg’or talabalar safida ishtirok etib, farg’ona va marg’ilon shaharlarida joylashgan “Mehribonlik uylari”ga tashrif buyurib, madaniy tadbirlarda faol ishtirok etdi. Joriy yilning 23-yanvar sanasidan 3-aprelgacha bo’lgan muddatda “Universe” erkin volontyorlik harakatining “Volontyorlar maktabi” loyihasida eng faol volontyor sifatida ishtirok etib, 1-mavsumni “Gold medal” bilan tamomladi. 10 hafta davom etgan “Volontyorlik maktabi”darslarida O’zbekiston volontyorlar assotsiatsiyasi rahbari – Shirin Obidova, “ICT” O’zbekiston volontyorlari jamiyati direktori – Ikram Xudaybergenov, BMTning O’zbekistondagi aloqalar bo’yicha milliy mutaxassisi – Nigina Sodikova, Amaliy psixolog – Dilobar Mirvosilova, UNICEFda ”U-report” yoshlar qo’mitasi raisi - Alisher Asrorov,”ZiyoForum” ilm-fan va ta’lim-tarbiyani rivojlantirish xalqaro Fondi bosh mutaxassisi - Shahribonu Umirboyeva, Malakali psixolog, trener - Nuriddin Ubaydullayev kabi tajribali volontyor mutaxassislardan mahorat darslarini o’rgandi. Joriy yilning 23-aprel sanasida “Ramazon oyi tuhfalari” doirasida “Universe” erkin volontyorlik harakati tashabbusi bilan Toshkent shahrining Yakkasaroy tumanida istiqomat qiluvchi 100 nafar ijtimoiy himoyaga muhtoj, boquvchisini yo’qotgan oilalar uchun xayriya oshini tayyorlash jarayonida volontyor sifatida qatnashdi. Joriy yilning 29-may kunida Farg’ona viloyati Marg’ilon shahrida tashkil etilgan “Onalarga ehtirom” festivalida volontyor sifatida ishtirok etib, festivalning tashkiliy ishlarida hamda festival qatnashchilari va mehmonlarini kutib olish va joylashtirish ishlarida yordam berdi. Festival davomida fag’ona viloyati telekanali muxbirlari bilan o’zining taassurotlarini bo’lishdi. Joriy yilda tashkil etilgan Respublika “Eko marafon” volontyorlik loyihasida faollik bilan ishtirok etib, 26-iyun sanasida Farg’ona shahar Muhammad al-Xorazmiy nomidagi TATU Farg’ona filiali akademik litseyida olib borilgan obodonlashtirish ishlarida erkin volontyor sifatida qatnashdi. Joriy yilning 21-iyul chorshanba kuni “Orzular ushalar, ishonsang, albat” shiori ostidagi xayriya aksiyasi munosabati bilan “Universe” erkin volontyorlik harakatining Farg’ona viloyati volontyorlari bilan Farg’ona viloyatida istiqomat qiluvchi ijtimoiy himoyaga muhtoj oilalarga Hayit sovg’alarini ulashishda kordinator sifatida qatnashdi.