|
3. Jihozlar va asboblar:
- ta’mirlash asboblari to’plami;
- artish materiallari;
- avtomobillarni qurilmalari.
4. Ishni bajarish tartibi:
Har bir talabaga o’qituvchi yoki korhona muhandisi tomonidan topshiriq beriladi va u quyidagi tartibda ishni bajaradi:
- avtomobillarni JT ishlarini bajarish.
- bajarilgan ish bo’yicha xulosa yozadi.
5. Umumiy ma’lumotlar:
Nazariy qism.
Avtomobilga texnik xizmat ko’rsatish deganda yuvish–tozalash, nazorat–sozlash, mahkamlash ishlari, joriy ta’mirlash va yonilg’i bilan ta’minlash orqali avtomobilning tashqi ko’rinishi va ishlash qobiliyatini saqlab turish yoki tiklash tushuniladi.
Texnik holat ko’rsatkichlari yangi avtomobil ishlay boshlagandan to buzilish sodir bo’lguncha o’zgaradi. SHuning uchun ularning chegaraviy me’yorlarini (ishlash muddatlarini) bilish kerak va, mabodo, chegaraviy me’yorlar namoyon bo’lsa, avtomobilning ekspluatatsiyasi to’xtatilishi shart. SHuning bilan bir qatorda, vaqt o’tishi bilan me’yorlarning o’zgarish dinamikasini ham bilish lozim, zero buning natijasida navbatdagi TXK va hamroh joriy ta’mirlashgacha bo’lgan resursni aniqlash mumkin. Ko’p hollarda agregat va mexanizmlarning tuzilmaviy o’lcham (parametr)larini aniqlash uchun ularni qisman yoki bu-tunlay bo’laklarga ajratishga to’g’ri keladi. Lekin agregat va mexanizmlarning texnik holat parametrlarini boshqacha yo’l bilan, ya’ni diagnostikalash yordamida ham aniqlasa bo’ladi. Masalan: dvigatel quvvati, moy sarfi, tsilindrdagi kompressiya va h.k.. SHubhasiz, avtomobil texnik holati va ekspluatatsion ko’rsatkichlarni yuqori darajada saqlab uning ish unumdorligiga va tashishlar tannarxiga jiddiy ta’sir etish mumkin. Avtomobilning ekspluata-tsion xususiyatlari uning agregat va mexanizmlarining texnik holatiga bevosita bog’liqdir. SHu sababli, ekspluatatsion xususiyatlarni oqilona boshqarish va ekspluatatsiyaning texnik–iqtisodiy ko’rsatkichlarini ko’tarish uchun avto-mobil texnik holati o’zgarishlari sabablari va qonuniyatlarini bilish lozim.
Avtotransport vositalari ish qobiliyati ekspluatatsiya sharoitida o’zgarib boradi, masalan: joriy ta’mir ish hajmi me’yori yangi avtomobilda 25% ni tashkil etsa, hisobdan chiqarilguncha 25% ga yetadi., ya’ni 9 marta oshadi. Shu davrda sarflangan ehtiyot qismlar narxi 17 martagacha oshadi, avtomobilning texnik tayyorlik koeffitsienti 15 % gacha kamayadi, kunlik
yurgan yo’l 45% gacha kamayadi va hokazo.
Joriy ta’mir paydo bo’lgan buzilish va nosozliklarni bartaraf etish hamda avtomobil va agregatlarni mukammal ta’mirgacha resurs me’yorlarini ta’minlash uchun belgilangan. Uning xarakterli ishlari quyidagilar: ajratish, yig’ish, chilangarlik, nuqsonlarni aniqlash, payvandlash, bo’yash, detal va agregatlarni almashtirish. JT da bazaviylardan tashqari, chegaraviy holatga yetgan detallarni almashtirishga yo’l qo’yiladi. Avtomobil joriy ta’mirlashda mukammal yoki joriy ta’mir talab qiladigan ayrim agregatlar, mexanizmlar va detallar almashtirilishi mumkin.
JT, ta’mirlangan agregat va mexanizmlar navbatdagi TXK-2 dan kam bo’lmagan yo’lni bosguncha buzilmasdan ishlashini ta’minlashi lozim.
Zavod tavsiyalarida odatda, joriy ta’mir ish hajmlari ko’rsatilmaydi. Bu esa, avtomobillar ishonchliligi umumiy bahosini (TXK va JT me’yorlari), ishlab chiqarish mintaqalaridagi postlarni, ustaxonalarning texnologik hisobini qiyinlashtiradi.
Avtomobillar servisi va joriy ta’miri sifatini oshirishning tashkiliy usullari
Avtomobillar servisi va joriy ta’mirining sifatini oshirish, birinchi navbatda, harakatdagi tarkibning buzilgan holda bekor turishini kamaytirishga yo’naltirilgan. Umumiy bekor turish vaqti texnik xizmatni kutish, servis va ta’mirni o’tkazish vaqtidan tashkil topadi.
Kutish vaqtini kamaytirish uncha katta harakat talab qilinmaydi va kelgan axborotni o’z vaqtida qabul qilib, avtomobilni qaysi mintaqa yoki postga jo’natish hamda unga zarur bo’ladigan agregat, ehtiyot qism ajratish bo’yicha qaror qabul qilish bilan yechilishi mumkin. Buning uchun zamonaviy axborot–kommunikatsiya texnologiyalarini ko’llash va ishlab chiqarishga tatbiq etish kifoya.
Do'stlaringiz bilan baham: | 
