Yer tuzish va yerdan foydalanish

Ro‘yxatdan o‘tkazish yig‘imi — ko‘chmas mulkka bo‘lgan huquqlarni davlat ro‘yxatidan o‘tkazish uchun qonun hujjatlarida belgilangan to‘lovlar;

Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risidagi arizalar reestri — yuridik va jismoniy shaxslarning ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risidagi arizalari ro‘yxatga olinadigan elektron fayl;

Ko‘chmas mulk haqida tuzilgan bitimlar — fuqaro va yuridik shaxslarning ko‘chmas mulkka bo‘lgan huquqlarni o‘rnatishga, o‘zgartirishga yoki bekor qilishga (o‘zga shaxsga o‘tkazishga, ipotekaga qo‘yishga, uzoq muddatli ijaraga, merosni qabul qilishga va boshqalarga) qaratilgan xatti-harakatlari;

Servitut — begona yer uchastkasidan cheklangan tarzda foydalanish huquqi;

Inshoot — har xil turdagi ishlab chiqarish jarayonlarini bajarishga, materiallar, buyumlar, asbob-uskunalarni saqlashga, odamlarning vaqtincha bo‘lishiga, odamlar, yuklar va boshqa narsalarni olib o‘tishga mo‘ljallangan, tayanch, to‘sma yoki har ikkala maqsadga xizmat qiluvchi konstruksiyalardan iborat hajmiy, yassi yoki chiziq tarzidagi yer tepasida, yer yuzasida va yer ostida joylashgan qurilish tizimi;