Yengil atletika asboblarini uloqtirish texnikasi. Reja: I. Kirish

Dastlabki holatda sportchi o‘ng oyoqda uloqtirish tomonga orqa qilib, doiraning orqa tomoni chetiga yaqin turadi. Chap oyoqning uchi pastga qaratilib, orqaga uzatiladi. Chap qo‘l oldinga- yuqoriga ko‘tarilib,orqa to‘g‘rilanadi.Yadro o‘ng qo‘l barmoqlari bilan ushlanib kiftga qo‘yiladi. Shunda u katta, ko‘rsatkich, o‘rta barmoqlar va jimjiloq bilan, rasmda ko‘rsatilganidek, yon tomondan ushlanadi. Kaft bilan yadro bo‘yinga qisiladi, tirsak gavdadan ajratilib, biroz tushiriladi.






Sakrab yadro itqitish paytidagi ketma-ketlik quyidagicha bajariladi. Start g‘ujanak bo‘lishini bajarayotib, sportchi o‘ng oyog‘iga egiladi va sakrashni doira markazida amalga oshiradi. O‘ng oyoq ishini doiraning oldingi cheti yo‘nalishi bo‘yicha chap oyoq shiddatli siltanib kuchaytiradil. O‘ng oyoq bir lahzada „o‘z ostiga“ uchini ichkariga qilib, boldirni tortib oladi, doira markaziga kaftning oldingi qismi qo‘yiladi. Chap oyoq segmentdan uzoq bo‘lmagan joyga tezda tushiriladi va kaftning ichki gumbaziga yumshoq qo‘yiladi.
Final kuchlanish chap oyoq yerga tushgandan so‘ng boshlanadi. Shu paytdan uloqtiruvchi yadroni tez itqitadi. O‘ng oyoqni to‘g’rilab , u o’ng sonini oldinga shiddat bilan olib chiqadi, sektor tomonga gavdani buradi va yadroni itqitadi. Bu harakat barmoqlar bilan yakunlanadi. Final kuchlanish shiddatli va tez bajarilishi kerak. Yadroni itqitishdan so‘ng, uloqtiruvchi o‘ng oyog'iga sakrab o‘tib, oyoq holatini o‘zgartirib, gavda muvozanatini doira ichida saqlab qoladi.
Yadroni itqitish uchun sakrashni, imkoni boricha doiraning boshqa chekkasidan boshlash muhim.Gavda engashganda yadro doiradan tashqarida bo‘ladi va bu uloqtiruvchining asbobga ta’sir ko‘rsatishini oshiradi . O‘ng oyoqdan chap oyoqqa sakrash uzunligi 90 sm bo‘ladi.
Yadroning uchib chiqish burchagi — 40° atrofida bo‘ladi.
Yadro itqitish texnikasini o‘rgatuvchi va takomillashtiruvchi mashqlar shunday ketma-ketlikda bajariladi:
1.Yadro itqitish texnikasi bilan joyidan va sakrab turib tanishish.
2.Yadroni ushlash va uni turtib chiqarish.
3.Yadro itqitish texnikasini egallashda har xil og‘irlikdagi yadrolar bilan joyidan va sakrab turib mashqlar bajarish.
4.Sakrash texnikasini yadro bilan va yadrosiz o‘rganish.
5.Yadro itqitish texnikasini takomillashtirish.