Yeger men u’lkeysem

Kásip –ónerge baylanıslı taqmaqların aytadı.
Ármanlarım meniń sheksiz,
Qaysı biri eter nesip,
Vrash,ustaz, gezsem teńiz
Hámmeside maqul kási


Ushqısh
Ushqısh bolıp diń hawada ,
Samolyotta gezsem deymen,
Sapar etip alıslarǵa ,
Mánzillerdi qushsam deymen.
Baǵman
Jap boyında qatar gújim,
Bir jaǵında ósken júzim,
Onı ekken atam biziń,
Men atamday bolajaqpan


Sportshı
Sportshı bolıp elimniń,
Qorǵayjaqpan namısın,
Tuwılıp ósken jerimniń,
Alaman talay alǵısın


Shıpaker
Shıpakermen shıpaker,
Adamlardı emleymen,
Basıń ba ya tamaǵıń,
Awırdıma qulaǵıń,
Házir dári beremen ,
Awırmaysız endi siz.

Aspaz

Men aspazban ,aspazban,
Óz isime puxtaman,
Mazalı taǵam tayarlap,
Bársheńizge unayman.


Saqshı
Men kishkene balaman,
Oqıp bilim alaman,
Er jetken soń Watannıń,
Márt saqshısı bolaman.


Tigiwshi.
Názik óner tigiwshilik,
Bunı bayqar el kópshilik,
Adamlarǵa hár bir lipas,
Jarassa saz ,kelisse mas,
Sonda ǵana kewli tolar.


Nanbayshı
Nan sózi eń áziz ,
Nan sózi eń qımbat,
Turaman ertelep,
Tandırǵa ot qalap,
Hár tańnan jabaman,
Rısqı baxıt tabaman.


Diyxan .
Diyxanshılıq ata kárim,
Oylanaman diyxan bolsam,
Bosqa ketpey mańlay terim,
Watanımnan alǵıs alsam.


Xudojnik
Qolımda qıl qálemim,
Peyzaj ba ya natyurmort,
Awıl ,qala ,dalama,
Ya kishkene balama,
Barlıǵında salaman ,
Zor xudojnik bolaman.
Kásip- óner haqqında naqıl-maqallar aytadı.

Ilimsızde isenim joq,

Ónersizde quwanısh joq.
Óneriń bolsa qolıńda,
Nan tabılar jolıńda.
Qunt penen úyrengen óner,
Ónerden ırısqıń óner.
Miynet penen er kógerer,
Jamǵır menen jer kógerer.
Mıń ónerdi shala bilgennen,
Bir ónerdi tolıq bil.

Bilimniń kópligi joq,

Ónerdiń artıqlıǵı joq.
Erinbegen etikshi boladı.
Kásipke baylanıslı jumbaqlar:

Saw bolsın dep balalar,

Kúni-túni tınbaydı,
Dúzelsin dep nawqastan,
Kúsh-quwatın jumsaǵan. (shıpaker)

Kitapqumarǵa xızmet qılar,

Hámmemizge kitap berer,
Ol kim, ózi, oylashı,
Taptım ol ....... (kitapxanashı)

Kóylektiń etegine gúl eger,

Jipek jipten jaǵasına gúl tiger,
Keste oyar jaǵaǵa hám belbewge (tigiwshi)

Nur jawar túr – túsinen

Írza ózi isinen
Nannan burın tandırda
Ózi shıǵar ishinen (nanbay)