Yeger men u’lkeysem

Páni:
Klası: 1-b klass
Tema: “Kásibim – maqtanıshım”
Sabaq barısı:
a) Bilim beriwshi : Oqıwshılarǵa barlıq kásipler haqqinda túsinik bеriw. Oqıwshılardıń kásip-óner úyreniwge bolǵan qızıǵıwshılıǵın arttırıp barıw.
b)Tárbiyalıq maqseti:
oqıwshılardı miynet súygishlikke tárbiyalaw. Kásipke baǵdarlaw
v)Rawajlandırıwshı maqseti:
oqıwshılardı erkin pikirlerin aytıwǵa úyretiw hám tusinigin aytıp beriw kónlikpelerin rawajlandırıp barıw.
Sabaqtı qurallandırıw : súwretler, plakat, reńli markerler, túrli kásip iyeleriniń súwretleri.
Shólkemlestiriwshi bólim: Klastı oqıwshılardı sabaqqa tayarlaw qatnasın barlaw.Sabaqqa dıqqatın awdarıw.
Tema: “Ka’sibim – maqtanıshım”

Dunyada kásip-ónerler kóp. Bul eki sóz mazmunı hám mánisi jaǵınan bir-birin tolıqtırıp turadı.

Turmısta hár bir kásiptiń ózine jarasa ornı áhmiyeti bar. Nanbayshı dasturxandı toyımlı hám mazalı nanlar menen toltırsa, shıpaker awırǵan adamlardı dawalaydı, aydawshı adamlardıń uzagın jaqın etse, diyxan el dasturxanına shiyrin-sheker qawın hám ǵarbız ónimlerin jetkerip beredi, sheber sulıw kiyim-kenshekler tigedi, qurılısshı sulıw imaratlar quradı.
Hár bir kásiptin’ ózine tán mashaqatı hám pa’ziyleti bar. Qanday da bir ka’sipti iyelew ushın tereń bilim, jáne basqa bir kásiptiń mamanı bolıw ushın talant yaki sheberlik talap etiledi.
Ka’sip-o’nerdin’ jamanı bolmaydı. En’ baslısı insan o’z isin puqta iyelewi hám miyneti menen el jurtqa shańaraǵına payda keltiriwi kerek.
Elimizde jaslardıń ózleri qálegen kásip-ónerdi iyelewleri ushın zárur sharayatlar jaratılg’an. Ka’sip tan’lawda ata-anamız ha’m ustazlarımızdıń pikirin, óz qızıǵıwshılıǵımızdı hám imkaniyatlarımızdı da esapqa alıwdı umıtpawımız dárkar.
Óner haqqında ráwiyat
Burınǵı ótken zamanda bir patsha jasaptı.Patshalıqtıń baylıǵınıń esap sanı joq eken.Onıń Malik ismli jalǵız ulı bolıptı.Shaxzada Malik uzaq ellerge sayaxatqa shıǵıwdı júdá jaqsı kóredi eken.Kúnlerdiń birinde teńiz arqalı sayaxatqa ketip baratırǵanda kúshli dawıl esip keme awdarılıptı.Kemedegiler suwǵa ǵarq bolıptı.Malikti tolqın qurqaqqa shıǵarıp taslaptı. Ol esine kelip kózin ashsha tanıs emes elge kelip qalǵanın kóripti.Tanıs emes jerler tilin bilmeydi,qasında pulı jewge nanı ya baspanası joq.Tilenshilik etip awqat tawıp jeyin dese Shaxzadalıq ǵururı jol qoymaptı. Malik kóp oylanıptı. Sol waqıtta balalıqtaǵı dostı Sayd esine túsipti.Saydtıń atası aǵash ustası bolıp esik áynek qapı islep satıp kún kóredi eken. Malik bos waqıtlarında atasınan jasırınıp dostına járdem berip hám ustanıń islerin baqlap ustashılıqtan birqansha xabardar bolıptı. Shaxzada solardı eslep sol jerdiń aǵash ustalarına dáslep járdemshi soń shákirt túsip esik aynek soǵıp satıp kún keshiripti. Eline qaytıwǵa pul jıynaptı. Eline kelip basınan keshirgenlerin ákesine aytıp beripti. Patsha perzentiniń ónerment bolıp aman-esen eline qaytıp kelgenine quwanıptı hám elindegi eń sulıw aqıllı hám iybeli qızǵa úylendiripti. Patsha qartayıp Malikti óz ornına patsha etip tayınlaptı hám ulına bılay dep násiyat etipti:
Ulım seniń aman-esen elińe qaytıwińa sebep bolǵan ónerińdi perzentlerińe úyretiwińdi qáleymen sebebi hár qanday óner jurt iyesinińde barlıq mashqalasınıńda sheshimin tabıwǵa járdem beredi eken. Atasınıń wásiyatına ámel qılǵan Malik elinde Ónerment ustazlar mektebin ashıp óz ulların qálewine qaray mekteplerge beripti. Shaxzadalarda ákesiniń ónerin zor qızıǵıwshılıq penen meńgerip murat maqsetine jetipti.
Kim qanday kásip tańlasa, mehir qoyiwi kerek. Óz kásibin jaqsi bilgen adamnıń isi ónimli boladı.Kásip-óner úyreniw ushın aqıl, arzıw, miynet, irada, sabır-taqat, zeyin birgelikte bolsa, insan óz kásibi hám óneriniń ustasi boladi.