Yaxshi ishga EGA bo`lish

Download 25,31 Kb. bet 2/2 Sana 29.04.2022 Hajmi 25,31 Kb. #591082

Bog'liq
Yaxshi ishga ega bo\'lish trening

Shifokor

1. Odamlar bilan muloqot qilish 
Ha2. Xujjatlar bilan ishlashni bilishYo`q3.
Jadval to`ldirilgandan so`ng boshlovchi xulosalarini aytib o`quvchi tomonidan tanlangan kasbni egallash uchun qanday sifatlarga ega bo`lish kerakligi haqida chuqurroq o`ylab ko`rishlarini taklif etadi. Bu natijalar ota-onalar, psixolog o`qituvchilar bilan ham muhokama qilinishi taklif etiladi.
“Muvaffaqiyatga erishish uchun amaliy qadamlar”mashqi– 15 daqiqa.
Maqsadga erishish yo`llarini ongli ravishda rejalashtrish ko`nikmalari bo`yicha olingan ma’lumotlarini mustahkamlash uchun ishtirokchilarga quyidagi savollarga javob berishlarini taklif etiladi.
Siz qaror qabul qildingiz, endi quyidagilarni aniqlash kerak:
Qaysi o`quv muassasasida kerakli ma’lumotni olishingiz mumkin?
Qanday qilib o`zingizda kasbiy muhim ko`nikmalarni rivojlantirishingiz mumkin?
Qanday qilib bu mutaxassislik bo`yicha amaliy tajribaga ega bo`lish mumkin?
Qanday qilib mehnat bozorida raqobatbardoshligingizni oshirish mumkin?
Xulosa:
Hozirgi mashg’ulotlardan ko`rib turibmizki, inson doimo o`z hayotini rejalashtirishi, tanlagan kasbiga mas’uliyat bilan qarashi, tanlagandan so`ng esa bu maqsadga qanday erishish yo`llarini izlashi va buning uchun nimalar qilishi kerakligini bilib oldik.
Interfaol o`yinlar. “Ko`zgu”, “Sharaflar yo`li”.
“Ko`zgu”: Ishtirokchilar ikki guruhga bo`linadilar. Ikki guruh bir–biriga qarama-qarshi turadi. Birinchi guruh ikkinchi guruh qilayotgan hamma harakatlarni qaytaradi. Keyin joylari bilan almashadilar (5daqiqa).
Shuningdek, quyidagilarni bajarishni taklif etish mumkin:
Bunda chap tarafdagilar o`ng tarafdagilarni bir-birlariga tegmasdan va yaqinlashmasdan kuldirishlari. Keyin hamma o`z joyini bir-birlari bilan almashadi. Bunda o`ng tarafdagilar chap tarafdagilarni joylari bilan almashishga ko`ndirishlari kerak.
Enerdjayzer insonda kuch ishlatmasdan kuzatuvchanlik va e’tiborni, boshqalarni ishontirish, o`z fikriga ega bo`lish kabi sifatlarni rivojlantiradi.
“Sharaflar yo`li”: Ishtirokchilar 2 guruhga bo`linadilar va ikki qator bo`lib turadilar. Shundan so`ng hamma baravariga qarsak chalishadilar. Eng oxirida turgan ishtirokchi ikki qator orasidan, ya’ni “Sharaf yo`li”dan yurib boradi va boshqa qatorga turadi. Xuddi shu tarzda boshqa qatordagi ishtirokchi ham “Sharaflar yo`li”ni bosib o`tishi kerak bo`ladi. Keyinroq boshlovchi o`yinga izoh beradi va ishtirokchilar bilan fikr-mulohazalar almashadi.
3-qism:
AMALIYOT.
“Ish beruvchi bilan suhbat” – kichik guruhlarda ijodiy ish.
Maqsad: o`zini taqdimot qilish ko`nikmalarini o`zlashtirish.
Mashq ta’rifi: Rolli o`yin.
Ishtirokchilardan birontasi “Ish beruvchi” rolini o`ynaydi. Boshqa ishtirokchilar “Da’vogar” lar rolida bo`ladilar. “Ish beruvchi” “Da’vogar”ga rad javobini berishi va juda qattiq shartlarni qo`yish kerakligi tayinlanadi.
Suhbatda ishtirok etmagan guruh ishtirokchilari suhbatni e’tibor bilan kuzatib, tahlil qilib, da’vogarning muvaffaqiyatini baholashadi hamda tegishli maslahatlar berishlari kerak bo`ladi.
Kuzatuvchilarga ular e’tibor berishlari shart bo`lgan mezonlar ro`yxati yozilgan kartochkalar tarqatiladi, maslan: tashqi ko`rinish, o`zini tutish, javoblarning aniq berilishi va h.k.z.
Muvaffaqiyatli taqdimot sirlari.
Har doim o`z so`zingizda qat’iyatli bo`ling;
Nutqingizni aniq va ravon bayon eting;
Fikringizni aniq bayon qiling;
Hech qachon haddan tashqari past yoki baland ovozda gapirmang;
Diqqat e’tiborli va muloyim bo`ling, hech qachon jahl bilan so`zlashmang;
Har doim gapingizni kulib boshlang va kulib tugating;
“Balkim”, “Kim biladi” kabi so`zlarni ishlatishingiz ishonchni kamaytiradi;
Hech qachon suhbatdoshingizni e’tibordan chetda qoldirmang(har bir eshituvchiga 3 soniyadan nigohingizni qarating);
Oyog’ingizni goh u yerga goh bu yerga almashtirmang;
Qo`lingizni orqangizda tutmang, doim ochiq bo`lishga harakat qiling;
Stolga/stulga yastanmang, suyanmang;
Chalg’ituvchi harakatlarni bajarmang;
Har doim javoblar uchun rahmat so`zini ishlating.
4-qism:
YAKUNIY QISM.
Ish beruvchining taxminiy savollari:

1. 
   Ta’limdagi muvaffaqiyatlaringizni qanday tasvirlab bergan bo`lar edingiz?
   
2. 
   O`qishingiz vaqtida qanday qiyinchiliklarga uchragansiz?
   
3. 
   Nima uchun aynan shu ishni tanladingiz?
   
4. 
   Nima uchun sizda maxsus ta’limingiz yo`q?
   
5. 
   Uning o`rnini nima bilan to`ldirasiz?
   
6. 
   Oxirgi ish joyingiz haqida gapirib bering?
   
7. 
   Oldingi ish joyingizda sizga nima ko`proq (kamroq ) yoqar edi?
   
8. 
   Nima uchun siz oldingi ish joyingizdan ketdingiz?
   
9. 
   O`z ishingizda nimani bajarish siz uchun qiyin kechgan?
   
10. 
    O`zingizni qanday tasvirlagan bo`lar edingiz?
    
11. 
    Aniq ish joyingiz yo`qligida nima bilan shug’ullandingiz?
    
12. 
    Professional savollar:
    
13. 
    Qanday mahsulot (ma’lumot hajmi) bilan ishlashga to`g’ri kelgan?
    
14. 
    Bo`lajak ishingizni qanday tasavvur qilasiz?
    
15. 
    Bizning korxonamiz haqida qanday ma’lumotga egasiz?
    

Shaxsiy savollar:

1. 
   Oilangiz haqida;
   
2. 
   Salomatligingiz haqida;
   
3. 
   Shaxsiy fazilatlaringiz.
   

Chalg’ituvchi savollar: (maqsad – da’vogar qiyin vaziyatlarda o`zini qanday tutishini, qanchalik tez va qanday yechim topishini kuzatish).

1. 
   O`z kamchiliklaringiz bilan qanday kurashasiz?
   
2. 
   Muammoli vaziyatlarda o`zingizni qanday tutasiz?
   
3. 
   Har bir inson ba’zida yolg’on gapiradi. Siz qachon yolg’on gapirasiz (misol keltiring)?
   
   1. 
      Nima uchun atrofdagilar bilan muammolar paydo bo`ladi?
      

O`zingizga 3 xil tavsif bering.
Da’vogar ish beruvchidan nimalarni so`rashi mumkin:
Korxonaning o`ziga xos xususiyatlari.
Uning kelajakdagi imkoniyatlari.
Lavozim majburiyatlari.
Javobgarlik darajasi.
Mehnat sharoiti.
Bo`sh o`rinning paydo bo`lish sababi.
Savollarni kartochkalarga bo`lib ish beruvchi rolida ishtirok etayotgan ishtirokchilarga tarqatish kerak.
Xulosa.
Boshlovchi ishtirokchilarga doira shaklida turib, ketma-ket berilgan mikrofonni (bu oddiy marker bo`lishi mumkin) olib, trening haqida o`z fikrlarini aytishlarini taklif etadi.
Boshlovchining xulosasi: hammaga seminarimizda qatnashganingiz uchun katta rahmat. O`ylaymizki, bu yerda olgan bilimlaringiz Sizga va do`stlaringizga yaxshi ish topishga albatta yordam beradi.

Download 25,31 Kb.

Do'stlaringiz bilan baham: