Yassi oyoqlik bu oyoq panjasi shaklining o’zgarishi bo’lib, uning bo’ylama va ko’ndalang yoyining pasayishi bilan ifodalanadi. Ko’ndalang va bo’ylama yassiq oyoqlik ajratiladi, bu ikkala shaklning birgalikda kuzatilishi ehtimoli ham mavjud

Assalomu alaykum. Men Profi university, Pedagogika va psixoloyiga yo’nalishi sirtqi 120 guruh talabasi Boyqo’ziyeva Xumoraxonman.
Yosh anatomiyasi, fiziologiyasi va gigiyena fanidan 2-mustaqil ish mavzuyim Yassi oyoqlik va uni kelib chiqish sabablari mavzusi bo’lib, hozir ushbu mavzu haqida aytib o’taman.

Yassi oyoqlik bu oyoq panjasi shaklining o’zgarishi bo’lib, uning bo’ylama va ko’ndalang yoyining pasayishi bilan ifodalanadi. Ko’ndalang va bo’ylama yassiq oyoqlik ajratiladi, bu ikkala shaklning birgalikda kuzatilishi ehtimoli ham mavjud. Oyoq panjasining boshqa deformatsiyalari bilan birgalikda ko’ndalang yassi oyoqlik 55 butun yuzda 23 foiz,
bo’ylama yassi oyoqlik — 29 butun o’nda 3 foiz hollarni tashkil etadi.

YASSI OYOQLIKLIKNING ALOMATLARI VA BELGILARI QUYIDAGILARDIR

• 
  Oyoq, tizza, son va beldagi og’riq;
  
• 
  Notabiiy yurish va qomat;
  
• 
  Cho’kkalab o’tirishdan ko’ra egilish osonroq; o’tirgan holatda muvozanatni saqlash qiyinligi.
  
• 
  «Og’ir» yurish.
  
• 
  Yurish paytida maymoqlik.
  
• 
  Oyoq panjalarining deformatsiyalanishi, tizza bo’g’imlarining deformatsiyasi, oyoq mushaklarining nomutanosib rivojlanishi.
  
• 
  Yassi oyoqlik tirnoqlarning ichkariga o’sishiga olib keladi.
  

Yassioyoqlikning paydo bo‘lishida yondosh kasalliklar - raxit, miopatiya, nevrologik kasalliklar, jarohat), yoki rasional bo‘lmagan poyabzal sabab bo‘lishi mumkin.

Yassioyoqlikning 2 xil turi mavjud: ko’ndalang yassioyoqlik va bo’ylama yassioyoqlik
Ko’ndalang yassi oyoqlikda oyoqning ko’ndalang yoyi yassilanadi, uning old qismi barcha beshta kaft suyaklarning boshchalariga tayanadi, oyoq panjasi uzunligi kaft suyaklarning yelpig’ich shaklidagi tarqalishi, birinchi barmoqning tashqariga og’ishi va o’rta barmoqning bolg’acha shaklidagi deformatsiyasi tufayli kamayadi. Bo’ylama yassi oyoqlikda esa oyoq bo’ylama yoyi yassilanadi va oyoq yerga oyoq panjasining deyarli butun yuzasi bilan tegadi, oyoq uzunligi ortadi.
Bo’ylama yassi oyoqlik ko’pincha 16-25 yoshli, ko’ndalang esa — 35-50 yoshli kishilarda aniqlanadi. Kelib chiqishi bo’yicha yassi oyoqlik tug’ma, travmatik. paralitik va statik turlarga bo’linadi.

Bo’ylama yassi oyoqlikning 3 darajasi farqlanadi:

• 
  1 daraja: yoy burchagi 131-140 °, yoy balandligi 35-25 mm, oyoq suyaklarining deformatsiyasi yo’q.
  
• 
  2 daraja: yoy burchagi 141-155 °, yoy balandligi 24-17 mm, oshiq-qayiqsimon bo’g’imning deformatsiyalovchi artorzi belgilari bo’lishi mumkin.
  
• 
  3 daraja: yoy burchagi > 155 °, balandligi 17mm dan past.