Yashindan himoyalashni hisobi

O‘ta kuchlanish deb,- kuchlanishning mo‘ljallangan ishchi kuchlanishdan har qanday oshishiga va elektr qurilmalarining izolyatsiyasiga xavfli bo‘lgan kuchlanishga aytiladi. Elektr qurilmasida o‘ta kuchlanish ichki va atmosfera o‘ta kuchlanishlariga bo‘linadi.

Ichki o‘ta kuchlanish. Ichki o‘ta kuchlanishga rejimli, kommutatsiyali va yoyli o‘ta kuchlanishlar kiradi.

Rejimli o‘ta kuchlanishlar elektr qurilmalarining ish rejimi o‘zgarishi bilan hosil bo‘ladi. Masalan, qisqa tutashuv o‘chiril- ganda, yuklamalarning tez o‘zgarishida va boshqalar. Bunda qurilmada energiya zaxirasi ajralishi kuzatiladi. Bu energiya o‘ta kuchlanish va ishchi kuchlanish amplituda kattaliklari munosabatlarini o‘zida ifodalovchi o‘ta kuchlanish karralisini aniqlaydi.

Kommutatsiyali o‘ta kuchlanish induktiv va sig‘im xarakterli o‘zgaruvchan tok zanjirlarining uzilishi natijasida hosil bo‘ladi. Masalan, transformatorlar, asinxron dvigatellar va XEUL ning salt ishlash toklarini o‘chirishi va boshqalar.

Yoyli o‘ta kuchlanish 1000 V dan yuqori qurilmalarda bir fazali yerga tutashuvda hosil bo‘lishi mumkin.

Uning qiymati nominal kuchlanishdan 4—4,5 marta ortishi mumkin.