Янгиликлар

MUNDARIJA

	Kirish
1 BOB	RESPUBLIKADAN TASHILAYOTGAN EKSPORT YUKLAR MONITORINGI NING TAHLILI
1.1.	Respublikadan tashilayotgan eksport yuklar monitoringida axborot texnologiyalarining o`rni
1.2.	Axborot kommunikatsiya texnologiyalari Respublikadan tashilayotgan eksport yuklar monitoringining muhim omili
1.3.	Tashilayotgan eksport yuklarni nazorat qilishning o`ziga xos xususiyatlari
1.4.	Masalaning qo‘yilishi
	1 bobga xulosa
2 BOB	RESPUBLIKADAN TASHILAYOTGAN EKSPORT YUKLAR MONITORINGINI TASHKIL ETISH
2.1.	Yuk tashish xizmati ma’lumotlar bazasini yaratish va uning modеllari
2.2.	Respublikadan tashilayotgan eksport yuklar monitoringini axborot kommunikatsion tizimlari yordamida rivojlantirish tamoyillari
2.3.	Respublikadan tashilayotgan eksport yuklar monitoringi tizimining ma`lumotlar bazasi bilan bog`lash usullari
	2 bobga xulosa
3 BOB	RESPUBLIKADAN TASHILAYOTGAN EKSPORT YUKLAR MONITORINGI DASTURIY VOSITASINI YARATISH
3.1.	Respublikadan tashilayotgan eksport yuklar monitoringi tizimini yaratish texnologiyasi
3.2.	Yuk tashish xizmati ma’lumotlar bazasidan foydalanish imkoniyatlari va shartlari
3.3.	Tashiladigan yuklar harakatini ro`yxatga olish tizimini ma’lumotlar bazasini boshqarish tizimining tuzilmasi va undan foydalanish.
	3 bobga xulosa
4 BOB	Hayot faoliyat xavfsizligi VA EKOLOGIYa
4.1
4.2
4.3
	Xulosa
	Foydalanilgan adabiyotlar
	Ilova

Kirish
XX asrda insoniyat axborot portlashning guvohi bo’ldi. Inson qabul qiladigan axborot har o’n yilda ikki marta oshayapti. Agar avval faqat asosan matnli va sonli ma’lumotlar tartiblashtirilgan bo’lsa, hozir inson tuyg‘u organlariga keladigan har qanday axborotni qayta ishlash zaruriyati tug‘ildi. Kompyuter texnologiyalarining so’nggi yutuqlari, shu jumladan, kommunikatsiya vositalarining rivojlanishi bu masalani yechishga imkon bermoqda.
Bugun axborotlarni elektron ko’rinishda saqlashni va jamlashni tashkil qilish unchalik murakkab ish emas ekan. Xatto Internet texnologiyalarini qo’llab yer sharining ixtiyoriy nuqtasidagi elektron arxivdan foydalanishni tashkil qilish mumkin.
Jahonda axborot-kommunikatsion texnologiyalari yordamida avtotransport tizimi orqali yuk tashish jarayonida yuk nazoratini tashkil etish,elektron usulda yuk xatlari, kompyuter tarmoqlari va tizimlari orqali masofadan nazorat punktlari taqdim etishning avtomatlashtirilgan usullari va hujjatlar ma`lumotlarini tahlil qilish jarayonlarini boshqarish tizimlarini takomillashtirishga alohida e`tibor qaratilmoqda. “Jahon avtotransport yo`llari assotsatsiyasi ma`lumotiga ko`ra, dunyoda avtotransport orqali tashilgan yuklar miqdori 2017-yil 1002.8 mlrd tonna, 2018-yil esa 1013.1 mlrd tonnaga yetgan”. Bu yo`nalishda rivojlangan davlatlar, jumladan Janubiy Koreya, Xitoy, Polsha, Rossiya federatsiyasi, Ozaybarjon, Qozog`iston va boshqa davlatlarda tashqi savdo aylanmasi ustidan samarali yuk nazorati deklaratsiyasi hujjatlarini masofadan turib online rasmiylashtirish va yuk nazorati postlarida taqdim etishni avtomatlashtirish usullarini ishlab chiqish muhim ahamiyat kasb etadi.
Respublikamizda yuk nazorati deklaratsiyalarini rasmiylashtirish, masofadan qisqa vaqt ichida yuk nazorati taqdim etish, ma`lumotlarga ishlov berishning ko`p pog`onali taqsimlangan dasturiy majmuasini yaratish jarayonlarini modellashtirish usullarini ishlab chiqish yuzasidan keng qamrovli chora-tadbirlar amalga oshirilmoqda. 2017-2021 yillarda O’zbekiston Respublikasini yanada rivojlantirish bo’yicha harakatlar strategiyasi, jumladan “… yo’l-transport infratuzilmasini yanada rivojlantirish, iqtisodiyot, ijtimoiy sohaga, boshqarish tizimiga information-kommunikatsion texnologiyalarni joriy etish” vazifalar belgilangan. Mazkur vazifalarni amalga oshirishda, jumladan, bojxona organlarining yuklar nazoratini avtomatlashtirishda axborot kommunikatsiya texnologiyalari tuzilmasi, ko’p sathli taqsimlangan bojxona nazorati ma’lumotlariga ishlov berishning funksional va axborot modelini, axborot oqimini boshqarish usullarini takomillashtirshga mo’ljallangan ixtisoslashgan matematik ta’minot va dasturlar vositasini yaratish muhim masalalardan biri hisoblanadi.
Axborot kommunikatsiya tеxnologiya sohasidan foydalanib yangi xizmatlarni yaratish va rivojlantirish, shuningdеk sohani zamonga mos tarzda o‘zgartirish lozim bo‘lib qoldi. Bunday yangi xizmatmatlar biri yuk tashish xizmatini nazorat qilish tizimini yaratishdir. Umuman olganda dasturiy vositalar va ishlanmalar bozorini shakllantirishda va albatta kеlgusida rivojlantirishda davlatning roli muhimdir. Buning uchun mamlakatimizda bir qancha qonun hujjatlari ishlab chiqildi. Ushbu qonunlar davlatimizda axborot kommunikatsiya tеxnologiya shakllantirish va rivojlantirish uchun xizmat qilib kеlmoqda.