Янги Ўзбекистонда амалга оширилган ислоҳотларнинг қиёсий таҳлили: амалий мисоллар Режа

Ислоҳотлар марказида инсон манфаати

• Халқаро экспертларнинг фикрича, стратегик мақсадлар мамлакатнинг халқаро майдонда ўз олдига қўйган вазифаларини тўла амалга оширишда янги-янги имкониятларни тақдим этади. Ишонч билан айтиш мумкинки, Ўзбекистон давлат дастурлари ва қонунларни қабул қилиш билан чекланиб қолмасдан, уларни ҳаётга изчил татбиқ этишга интилмоқда. Ҳаракатлар стратегиясида жамият равнақига хизмат қиладиган ўнлаб устувор соҳалар қамраб олинган. Масалан, 2017 йилдан бошлаб, Халқаро молиявий институтлар билан ҳамкорлик муваффақиятли ривожланмоқда, Европа тикланиш ва тараққиёт банки (ЕТТБ) билан шериклик алоқалари қайтадан тикланди. ЕТТБ яна Ўзбекистонга қайтди. Улар шаффофликни ошириш ва маҳаллий статистикани мувофиқлаштириш борасида ҳукумат билан ишламоқда. Кейинги қадам суверен облигасияларни ишлаб чиқариш бўлади.

• Ҳаракатлар стратегиясининг бош мақсади демократик жамиятнинг жадал ривожланишини таъминловчи ички механизмларни тезроқ барпо этиш бўлса, шу ният сари кенг кўламли ишларни бажаришга эришилди. Давлат бошқаруви такомиллаштирилиб, жадал ўзгариб бораётган ҳаёт талабларига мувофиқлаштириб борилмоқда. Бизнингча, ютуқларимизнинг асосий омили ислоҳотлар узоқ муддатли концептуал стратегияга асосланганлиги билан характерланади. Шу маънода олганда, юртбошимиз Шавкат Мирзиёев томонидан олға сурилган янги ташаббуслар, ғоялар илмий, амалий ва сиёсий аҳамият касб этиб бормоқда.

• Хулоса ўрнида шуни айтиш лозимки, янгиланаётган Ўзбекистон собиқ иттифоқ мустамлакаси одамлар онгида қолдирган асоратларидан қутулиш даври бўлган 1990 йиллардан фарқ қилади. Бугунги фуқаро ўз ҳақ-ҳуқуқи, бурчи ва чексиз имкониятларни ҳис қилади ва англайди. Сўнгги йилларда мамлакатимизда инсон ҳуқуқларини таъминлаш, демократик ислоҳотларни амалга ошириш сари ижобий ўзгаришлар юз берди. Шу билан бирга, давлат ҳокимияти органлари фаолияти шаффофлигига эришиш ва коррупцияни таг-томири билан йўқ қилиш бизнинг асосий вазифаларимиз қаторига киради.
• Жадал модернизасиялаш суръатлари сабабли, бугунги кунда Ўзбекистон Республикаси Президенти Шавкат Мирзиёевнинг халқаро миқёсда катта обрўга эга эканлиги, энг етакчи давлатлар раҳбарлари томонидан юқори ҳурмат билан тилга олинаётганлиги АҚШ, Россия, Хитой ўртасида стратегик шерикликни, биринчи навбатда, Ўзбекистоннинг миллий манфаатларига тўлақонли мос келадиган йўналишларда давом эттириш, жамиятни модернизасиялашни ривожлантириш учун мустаҳкам замин яратмоқда

• Ислоҳотларни таҳлил қилар эканмиз, Ўзбекистонда жамиятни модернизасиялаш жараёнлари жадаллашган, дейишга асослар пайдо бўлади. Мақсад юқори иқтисодий ўсишга тўла шароит яратиш, демократияни кучайтириш ва иқтисодиётнинг рақобатбардошлигини ошириш орқали халқнинг фаровонлигини таъминлашдан иборат. Президентимиз таъкидлаганидек, «Халқ бой бўлса, давлат ҳам бой ва қудратли бўлади». Дунёда янги Ўзбекистон вужудга келгани тан олинмоқда. Янги давлат, авваламбор, янги имижга, янги халқаро обрўга ва янгича ҳурматга эга бўлган давлат деганидир. Ҳа, Ўзбекистонда бутунлай янгича иқтисодий-сиёсий, ижтимоий-маънавий, илмий-маърифий иқлим пайдо бўлди.

Эътиборларингиз учун рахмат