Янги Ўзбекистонда амалга оширилган ислоҳотларнинг қиёсий таҳлили: амалий мисоллар Режа

Шахсий ютуқ, билим ва касб маҳорати асосида кадрларнинг фаолияти самарадорлигини баҳолашнинг замонавий услублари жорий этилди, давлат хизматининг жозибадорлигини ошириш, коррупциянинг юзага келиш хавфи ва мансаб суиистеъмолчилигини камайтириш имконини берадиган давлат хизматчилари меҳнатига ҳақ тўлаш ва ижтимоий таъминотининг замонавий тизими яратилди. Маҳаллий бошқарув тизимини модернизасиялаш, демократик ислоҳотларни амалга оширишда, аввало, ижро этувчи ҳокимият органлари фаолиятининг шаффофлиги ва очиқлигини таъминлаш асосий вазифага айланди.

• Қисқа вақт ичида давлат органлари ва бизнес тузилмаларнинг жамоатчилик билан таъсир алоқалари шаклланди, ижро ҳокимияти органларида амалга оширилган ишлар ва якуний натижалар (қоғозда эмас, амалда!) ўртасида фарқ миқдори ошди, ижро ҳокимияти органлари функциялари кўпайиб бораётгани сабабли бу кўптармоқли фаолиятни қамраб олиш имконини берадиган электрон, онлайн тизимлар вужудга келди.

• 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси ислоҳотлар самарадорлигини тубдан ошириш, давлат ва жамиятни ҳар томонлама уйғун ва жадал ривожлантириш учун шарт-шароит яратиш, барча устувор соҳаларни модернизасия қилиш ва эркинлаштириш мақсадларига хизмат қилди.

Ўзбекистон дунёга қўл узатмоқда

• Бугунги кунда Ўзбекистоннинг хорижий мамлакатлар, аввало, қўшни давлатлар билан олиб бораётган очиқ, конструктив, ўзаро манфаатли ташқи сиёсати Марказий Осиё минтақаси иқтисодий-сиёсий ҳаёти учун муҳим аҳамият касб этмоқда. Давлатимиз раҳбари «очиқ эшиклар» сиёсатини қўллаган ҳолда, 2017-2021 йилларда Россия, Хитой, АҚШ, Франция, Туркия, Ҳиндистон, Қозоғистон, Туркманистон, Қирғизистон, Тожикистон ва бошқа мамлакатларга давлат ташрифларини амалга ошириб, мамлакатимиз ташқи сиёсатида самарадорликка эришди.

Ўзбекистон дунёга қўл узатмоқда

• Ўзбекистон Республикаси Президенти Шавкат Мирзиёев 2017 йил 19 сентябрда Бирлашган Миллатлар Ташкилоти Бош Ассамблеясининг 72-сессиясида тарихий нутқ сўзлади. «Жамиятимизда сиёсий фаоллик ортиб бормоқда, барча соҳаларда чуқур ислоҳотлар амалга оширилмоқда. Улардан кўзланган мақсад – «Инсон манфаатлари ҳамма нарсадан устун» деган оддий ва аниқ-равшан тамойилни амалга ошириш устувор аҳамиятга эга бўлган демократик давлат ва адолатли жамият барпо этишдан иборат», деди Давлатимиз раҳбари ўз нутқида.