Yangi o`zbek adabiyoti” fanidan

Семинар машғулотларни ташкил этиш бўйича
кўрсатма ва тавсиялар

Талабалар семинар машғулотларида янги ўзбек адабиётидаги намояндалар ва ўша даврдаги ижтимоий-сиёсий ҳамда адабий-маданий ҳаёт билан боғлиқ масалаларга аниқлик киритишга хизмат қиладиган илмий адабиётлар билан танишиб, улардаги етакчи қарашларни ўзлаштириб, берилган мавзуни қанчалик ўзлаштиргани ва билимларини мустақил равишда қай йўсинда қўлламоқчи эканлиги борасида кўникмаларга эга бўлиши кўзда тутилади.

Семинар машғулотларини уюштириш бўйича тавсия қилинадиган тахминий мавзулар:
1. Ойбек ижодининг танқидчиликдаги талқини.
2.Ғафур Ғуломнинг хикоянавислик маҳорати. Ғафур Ғулом ижодининг адабиётшуносликда ўрганилиши.
3.“Ўтмишдан эртаклар” қиссасида давр ва шахс талқини. Абдулла Қаҳҳор комедиялари.
4.Ҳамид Олимжон драмалари ва ижодининг ўрганилиши.
5.Асқад Мухтор поэзияси ва драматургияси.
6.Саид Аҳмаднинг ҳикоянавислик маҳорати.
7.Одил Ёқубов ижоди ва адабий танқид. . “Адолат манзили” романида шахс фожиаси.
8.“Юлдузли тунлар” романида Бобур ва бобурийлар образлари тасвири. “Авлодлар довони” романида Ҳумоюн ва Акбар образлари таҳлили. Пиримқул Қодиров ижодининг адабиётшуносликдаги талқини.
9.“Руҳлар исёни” – фожеавий асар сифатида.“Истанбул фожиаси” драматик достонида давр ва шахс талқини. Эркин Воҳидов ижодига танқидчилик муносабати.
10.Абдулла Орипов ижодининг танқид ва адабиётшуносликдаги талқини.
11.Ўткир Ҳошимов ижоди ва адабий танқид.
12.Шукур Холмирзаевнинг ҳикоячилик маҳорати.
13.Рауф Парфи шеъриятининг ўзбек адабиётида тутган ўрни.
14.Модернизм атрофидаги ҳозирги баҳслар.
Изоҳ: Мазкур рўйхатдаги мавзулардан семинар машғулотлари учун ажратилган соатлар ҳажмига мос ҳолда фойдаланиш тавсия этилади.
Мустақил таълимни ташкил этишнинг шакли ва мазмуни

“Янги ўзбек адабиёти тарихи” фанини ўрганувчи талабалар аудиторияда олган назарий билимларини мустаҳкамлаш ва амалий масалаларни ечишда кўникма ҳосил қилиш учун мустақил таълим тизимига асосланиб, кафедра ўқитувчилари раҳбарлигида, мустақил иш бажарадилар. Бунда улар қўшимча адабиётларни ўрганиб ҳамда Интернет сайтларидан фойдаланиб рефератлар ва илмий докладлар тайёрлайдилар, амалий ва семинар машғулотлари мавзусига доир уй вазифаларини бажарадилар, кўргазмали қуроллар ва слайдлар тайёрлайдилар.

Талаба мустақил ишни тайёрлашда “Янги ўзбек адабиёти тарихи” фанининг ўзига хос хусусиятларидан келиб чиққан ҳолда қуйидаги ишларни амалга ошириши мақсадга мувофиқ бўлади:

• 
  мавжуд дарслик ва ўқув қўлланмалари бўйича фаннинг асосий боб ва мавзуларини ўрганиб чиқиш;
  
• 
  қўшимча адабиётларга таяниб, янги ўзбек адабиётининг айрим бўлим ва мавзуларини мустақил ўзлаштириш;
  
• 
  янги ўзбек адабиёти бўйича янги чоп этилган асар билан танишиб, уни ўзлаштириш;
  

Мустақил иш учун қуйидаги топшириқларни бажариш тавсия қилинади:
1.Амалий машғулотларга тайёргарлик.
2.Семинар машғулотларига тайёргарлик.
3.Абдулла Қаҳҳорнинг "Ўғри" ҳикояси атрофида мунозаралар.
4.Уйғун ва Иззат Султоннинг "Алишер Навоий" драмаси ҳамда Ойбекнинг "Навоий" романи қиёсий таҳлили.
5.Мақсуд Шайхзоданинг "Мирзо Улуғбек" трагедияси устида баҳс.
6.Миртемир лирикасидаги бадиий санъатларни аниқлаш.
7.Саид Аҳмад ҳикоялари мутолааси.
8.Одил Ёқубовнинг "Кўҳна дунё" асарини тарихий полифоник роман намунаси сифатида таҳлил қилиш.
9.Тоғай Муроднинг "Ойдинда юрган одамлар" қиссасида тил ва услуб.
10.Ҳозирги ўзбек адабиётида модернистик шеърият яратиш йўлида изланишлар.
11.Ш.Холмирзаев романларида инсон психологияси талқинини тавсия қилинган адабиётларга таяниб ўрганиш.
12.Р.Парфининг “Сабр дарахти” асарини таҳлил қилиб, адабий тақриз ёзиш.
13.Истиқлол даври ўзбек шеъриятига хос хусусиятларни У.Азим, С.Саййид, И.Отамурод ижоди мисолида ўрганиш.