Yangi o`zbek adabiyoti” fanidan

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвийлиги

Янги ўзбек адабиёти адабиёт назарияси каби ёндош фанлар қатори, тарих, фалсафа фанлари билан ҳам алоқадордир. Шунингдек, талабалар фан юзасидан ўз хулосаларини чиқаришда адабиётшуносликка кириш, адабиёт назарияси, адабий танқид ва эстетика фанлари ютуқларига таянади.

Фаннинг ишлаб чиқаришдаги ўрни

Талабаларда янги ўзбек адабиёти фани бўйича билимларни шакллантириш, бадиий асарларни илмий-эстетик таҳлил қилишга доир муайян билимга эга бўлиш ва уларни амалиётда татбиқ этиш муҳим аҳамиятга эга. Бу жараён бевосита адабий-илмий, маънавий-маърифий соҳаларда амалий аҳамият касб этади.

Фанни ўқитишда фойдаланиладиган замонавий ахборот ва
педагогик технологиялар

“Янги ўзбек адабиёти тарихи” фанини ўзлаштиришда ўқитишнинг илғор ва замонавий усулларидан фойдаланиш, янги информацион-педагогик технологияларни татбиқ қилиш муҳим аҳамиятга эгадир. Дастурда кўрсатилган мавзулар маъруза, амалий машғулот, семинар машғулотлари шаклида олиб борилади, шунингдек, фаннинг долзарб масалалари талабаларга мустақил таълим сифатида ўзлаштириш учун берилади. Фанни ўзлаштиришда дарслик, ўқув ва услубий қўлланмалар, маъруза матнлари, тарқатма материаллар, техник воситалардан фойдаланилади. Маъруза, амалий ва семинар машғулотлари замонавий педагогик технологиянинг “мунозара”, “ақлий ҳужум” сингари методлари орқали ҳамда слайдлар намойиши билан ўтказилади.

Асосий қисм

Фаннинг назарий машғулотлари мазмуни

Янги ўзбек адабиётининг асосий хусусиятлари

ХХ аср бошлари ўзбек адабиётидаги ўзгаришлар. Янги ўзбек адабиётининг асосий хусусиятлари: Дунёвий мазмунинг етакчи ўринга чиқиши. Реалистик методнинг шаклланиши. Европа адабиётига хос жанр ва шаклларнинг майдонга келиши. Тилнинг замонавийлашуви.

Янги ўзбек адабиёти тараққиётининг асосий босқичлари

ХХ аср ўзбек адабиётининг асосий хусусиятлари. Бу давр адабиётидаги ифода усулларининг янгилиги. Янги ўзбек адабиёти намоёндалари ижодининг етакчи тамойиллари. Адабиёт тарихини даврлаштириш тамойиллари.