Yangi o`zbek adabiyoti” fanidan

Фаннинг мақсади ва вазифалари

“Янги ўзбек адабиёти” фанининг асосий мақсади

• 
  талабаларга янги ўзбек адабиёти тарихининг шаклланиши, илмий мактаблар ҳақида яхлит тасаввур ва маълумот бериш;
  
• 
  фаннинг муҳим назарий жиҳатларини ўзлаштириш, бу давр адабиётининг тузилиши, шаклланиш, ривожланиш йўлини, тараққиёт босқичларини, асосий тенденцияларини кўрсатиш;
  
• 
  янги ўзбек адабиётининг йирик намояндалари ҳаёти ва ижодини таҳлил қилишни;
  
• 
  талабаларни миллий анъаналарга нисбатан ҳурмат ва ватанпарварлик руҳида тарбиялаш;
  
• 
  талабаларга ўзбек адабиётидаги ижодкорлар асарларидаги энг илғор ғоялар: инсонпарварлик, эрксеварлик ва ватанпарварлик ғояларини сингдириш;
  
• 
  бакалаврлик даражасида юқори билим ва малакага эга бўлган мутахассислар тайёрлаш;
  
• 
  ХХ аср бошларидан то бугунги ўзбек адабиёти ва адабий танқид тарихининг тараққиёт қонуниятлари, ғоявий-бадиий хусусиятлари ҳақида тасаввур бериш, шоир, ёзувчи, мунаққидларлар биографияси билан яқиндан таништириш, уларнинг асарларини ўқиб, таҳлил қилиш.
  
• 
  талабаларда ўзбек адабиётидаги бадиий асарларни таҳлил қилиш кўникмаларини шакллантиришдан иборат.
  

Фан бўйича билим, кўникма ва малакага қўйиладиган талаблар

“Янги ўзбек адабиёти тарихи” фани бўйича бакалавр талаба янги ўзбек адабиёти тарихининг тараққиёт тамойиллари, ўзбек адабиётининг янги тур ва жанрлар билан бойиши ҳақида билимга эга бўлиши керак. Бакалавр талаба бадиий асарни таҳлил қилиш ва баҳолаш, илмий адабиётлар билан қиёсий ишлаш, ўзбек адабиётидаги жанрлар синкретизмини фарқлай олиши ҳамда танланган адабий-илмий мавзу юзасидан илмий хулосалар чиқара билиши лозим. Янги давр адабиётидаги жанрий изланишлар ва адабий танқид жанрларини билиш, адабий матнда бадиият намуналарига эстетик ва холис муносабатларнинг пайдо бўлишини таҳлил қилиш, мустақиллик даври адабиёти ва адабий танқидчилигининг асосий хусусиятларини таҳлил қила олиш юзасидан тасаввур ва кўникмаларга эга бўлиши керак.