Yangi kam operatsiyali texnologiyalar yaratish tikuvchilik buyumlariga ishlov berishni takomillashtirishdagi istiqbolli yo`nalish hisoblanadi

9- LABORATORIYA ISHI.

Mavzu: Yangi modellar uchun texnik xujjatlar ishlab chiqish.

Ishning maqsadi: Yangi modellar uchun texnik xujjatlar ishlab chiqishni o’rganish.
Ishning bajarilish tartibi:

1. 
   Texnik topshiriq.
   
2. 
   Texnik taklif
   
3. 
   Eskiz loyixa
   
4. 
   Texnik loyixa
   

Ishni bajarish tartibi:

1. Badiiy-muhandislik qismi ishlab chiqiladi, bunda loyihalanayotgan ob'ektning dizayn shakli loyihalanayotgan ob'ektga qo’yiladigan talablar, ob'ekt vazifasidan qat'iy nazar ishlab chiqish uchun dastlabki ma'lumotlar, ob'ektning konstruktiv-dekorativ echimi va stilistikasiga va paket materialiga bo’lgan talablarini o’z ichiga oladi.

Ushbu laboratoriya ishida:

• 
  loyihalash uchun dastlabki ma'lumotlar va texnik topshiriqning tuzilishi;
  

- ma’lum iste'molchi uchun loyihalanayotgan ob'ekt xususiyatlarini e'tiborga olib zamonaviy moda yo’nalishi tahlil etiladi;
- eskiz loyiha ishlab chiqiladi.

2.Loyihalash va texnik topshiriqni tuzish uchun dastlabki ma'lumotlarni ishlab chiqiladi.

Texnik topshiriq - kiyimning asosiy vazifasi, texnik tavsifi, ishlab chiqilgan buyumga qo’yilgan sifat ko’rsatkichlari, texnik-iqtisodiy talablar, konstruktorlik hujjatlarining bosqichlarini, ularning tarkibi va kiyimga qo’yiladigan maxsus talablarni belgilovchi konstruktorlik hujjati.
Loyihalash uchun dastlabki ma'lumotlar tuzilishi quyidagilarni o’z ichiga oladi:

• 
  loyihalanayotgan ob'ekt nomi;
  
• 
  loyihalanayotgan ob'ekt vazifasi;
  
• 
  tananing antropometrik xarakteristikasi: bo’yi – T1, ko’krak aylanasi – T16, va qorinni hisobga olib bo’ksa aylanasi (ayollar uchun) – T19 va bel aylanasi (erkaklar uchun) – T18; to’lalik guruhi;
  
• 
  paket materiali nomi.
  

Shuningdek, ushbu bo’limda loyihalanayotgan buyumga qo’yiladigan talablar ko’rib chiqiladi.
Buyum vazifasiga mos bo’lgan iste'molchi talablar.
Bo’limda:
kiyimga inson ehtiyojlarini qondiruvchi buyum sifatida qo’yiladigan talablar, gigienik, utilitar, ergonomik, ekspluatatsion, funktsional va boshqa talablar;
kiyimga dizayn asari sifatida qo’yiladigan talablar: kiyimning shakli va mazmuni moda va zamonaviy uslubga mosligi, yangiligi va antiqaligi.
kiyimga ommaviy tarzda ishlab chiqariladigan ob'ekt sifatida qo’yiladigan texnik-iqtisodiy talablar yoritib beriladi.
Bo’limda shakl va uning ichki yechimining soddaligi, mazmundorligi, ratsionalligi va texnologik jihatdan qulayligi, standartlashtirish, unifikatsiyani va loyihalashning avtomatlashgan sistemasi (LAS)ni qo’llash imkoniyatlari yoritiladi.
Bo’lim bo’yicha xulosalar loyihalanuvchi buyumga qo’yiladigan talablarni konkretlashtirish va ularga “rang”lar qo’yishni ko’zda tutadi.
Sifat ko’rsatkichlarining (SK) baholanishi 1.-jadvalda keltirilgan.