«янги йилни кутамиз» номли байрам эрталиги

/Оны Бөри ҳәм Түлки еки қалынан услап алып шығып кетеди. Қар адам
сипсесин силкитип шығып кетеди./


Баслаўшы: Балажанлар, мине ҳәмме нәрсе артта қалды келиңлер енди Қарбабаны ортаға шақырамыз!


Балалар: Қарбаба, Қарбаба ортамызға мәрҳамат!


(Музыка астында Қарбаба кирип келеди).
Қарбаба: Сәлем балажанлар, сәлем мийманлар! Мен сизиң алдыңызға тоғайлардан, теңизлерден асып келдим. Мен сизлерге жиберген аршамды танымай қалдым, оны сизлер жүдә шырайлы қылып безетипсиз. Сизлерди Қарқызым менен биргеликте кирип киятырған жаңа жыл менен қутлықлаймыз!
Қарқыз: Мен Қарқызбан, Қарқызбан
Аспандағы жулдызбан
Ушып келдим ортаға
Сәлем бердим ҳәммеге!
Қарбаба: Қәне турың балалар орта қурып турайық
«Арша» қосығын айтып ойнайық!


«Безелген арша» қосығы
Баслаўшы: Қарбабажан балаларымыз сиз бенен ҳәзил ойынлар ойнамақшы.


Ойын «Қолларды абайлаң».


Қарбаба: Жүдә шаршап кеттим, қәне мениң қар бөлекшелерим?
Баслаўшы: Қар, қар жаўа қой тереклерди орап ал,
Қар бөлекшелери ойнап қал.


«Қар бөлекшелери ойыны»


Баслаўшы: Бабажан шаршаўыңыз жазылдыма. Енди сизге балажанларыңыз тақмақ, қосық, ойынларын көрсетпекши.
Қарбаба: Аўа шаршағаным шықты. Қәне, қәне еситейик.
Бала: Байрамыңыз мүбәрек айлар ҳәмме теберик
Байрам сизге мүбәрек байрам елге мүбәрек!
Бала: Жаңа жылда жаңа әўмет, жаңа жеңис яр болсын
Елим, журтым дегенлер бир өмирге бар болсын!
Бала: Қарбабажан аппақ маңлайы жалпақ
Қабыңызды көтерип бизге бериң ойыншық!


«Қарбабажан» қосығы


Бала: Арша жапырақларында ертеклер жасырынған
Аққус жүзип көлде тийин ғоза шаққан.