«янги йилни кутамиз» номли байрам эрталиги

(Музыка астында тийин кирип келеди)


Тийин: Ҳайяр түлки ондай деме бул бөрини жолдан урма,
Қоян, кирпини аўламаң, жүрек-баўырын дақламаң!
Ақыры бул жыл әжайып жыл жақсылыққа толсын кеўил
Сизден қалсын жақсы бир ат, мине ғоза болың мийман!


(Тийин оларға себетшеде ғоза береди. Олар қуўнақ музыка астында балалардың алдына асығады).


Ғарға: Қар, қар, қар еле бираз ўақыт бар
Қарбаба ҳәм Қарқыздың жолын тосыўшылар бар!
Қашыңлар, қашыңлар бул жерге мурны қармақ
Тоны жамаў, бели бүкир, қалы қыйсық
Мәстан кемпир киятыр.. Қарррр...
(Музыка астында Мәстан кемпир сипсесин минип кирип келеди)


Мәстан: Ҳа жер жутқыр ғарға, мийи жоқ қара ғарға!
Мен Мәстан, Мәстан, жумысым жүдә көп, тығыз.
Ашыўыма тиймеңиз, меннен қапа болмаңыз!
Кемпир деме, айқызбан, гөззаллыққа бай қызбан,
Желкем жүдә шырайлы, жүзлерим толған айдай
Тонным жамаў, болса да мурным қармақ емес.
Белим бүкир болса да қалым қыйсық емес
Кашшей мени сүйген еди, көп изимнен жүрген еди
Оны қор қылдым, сипсем менен айдадым
Мениң ярым қарақшы жүдә атақлы алдаўшы
Әне өзи киятыр, бир нәрселер деп атыр.


(Музыка астында Картовус кирип келеди)


Мәстан: Келиң, келиң Картовус келиўиңиз не себеп?
Бир мәсләҳәт қылайық байрамларын бузайық!
Қарақшы: Мен Картовус қарақшы, түнде жүрер зор сақшы
Жақсыны жақтырмайман көзиме қаратпайман.
Хош, хош өзи не гәп, не деп атырсаң шаймалап?


(Мәстан жерге қулағын түрип «тыныш» деген белги береди)
Мәстан: Дүбир, дүбир ат киятыр, алтын арба киятыр
Сол файтун арбада Қарбаба, Қарқыз киятыр.
Ғарға: Қар, қар, қар бүгин байрам болар екен
Ҳәмме ойнап қалар екен,
Қарбаба ҳәм Қарқызды
Балажанлар күтер екен.
Қарақшы: Не? Не? Байрам болмайды тамам
Басқа гәп жоқ ўәссалам!
Егер гәпке кирмесе Қарқызды урлайман,
Қарбабаның басына тоқмақ қылып торлайман!