Yakka tartibdagi tadbirkorlar shug‘ullanishi mumkin bo‘lgan faoliyat turlari ro‘yxatini tasdiqlash to‘G‘risida

23-modda. Dehqon xo‘jaligi a’zolarining huquq va majburiyatlari 
Dehqon xo‘jaligining a’zolari quyidagi huquqlarga ega: 
dehqon xo‘jaligi tomonidan ishlab chiqarilgan qishloq xo‘jaligi mahsulotlaridan hamda uni 
realizatsiya qilishdan olingan daromaddan o‘z ulushini olish; 
dehqon xo‘jaligi boshlig‘ining topshirig‘iga ko‘ra dehqon xo‘jaligi nomidan fuqarolik-
huquqiy munosabatlarda ishtirok etish; 
ushbu Qonun 15-moddasining 
ikkinchi qismida 
nazarda tutilgan tartibda ijtimoiy soliqni 
to‘lagan taqdirda qonunchilikka muvofiq davlat ijtimoiy sug‘urtasiga ega bo‘lish va ijtimoiy ta’minot 
olish, shuningdek dehqon xo‘jaligida qishloq xo‘jaligi mahsulotlari ishlab chiqarish uchun sarflangan 
ish vaqtining mehnat stajiga qo‘shilishi (boshqa doimiy ishi mavjud bo‘lmagan taqdirda). 
Dehqon xo‘jaligi a’zolari dehqon xo‘jaligining faoliyatida shaxsiy mehnati bilan ishtirok 
etishi shart. 
Dehqon xo‘jaligining a’zolari qonunchilikka muvofiq boshqa huquqlar va majburiyatlarga 
ham ega bo‘lishi mumkin.
24-modda. Dehqon xo‘jaligidagi mulkiy munosabatlar 
Dehqon xo‘jaligiga tegishli mol-mulk, dehqon xo‘jaligi a’zolarining birgalikdagi faoliyati 
natijasida olingan mahsulotlar va ularni realizatsiya qilishdan tushgan daromad, agar ular o‘rtasidagi 
kelishuvga binoan umumiy ulushli mulk tashkil etish nazarda tutilgan bo‘lmasa, ularning umumiy 
birgalikdagi mulkidir. 
Dehqon xo‘jaligining va uning a’zolarining mulkiy huquqlari davlat himoyasida bo‘ladi. 
6-bob. Yakunlovchi qoidalar 
25-modda. Dehqon xo‘jaligini tugatish (faoliyatini tugatish) asoslari 
Dehqon xo‘jaligi dehqon xo‘jaligini yuritish uchun meros qilib qoldiriladigan umrbod egalik 
qilish huquqi asosida berilgan yer uchastkasiga bo‘lgan huquq tugaganda yoki ijara (ikkilamchi ijara) 
muddati tugaganda tugatiladi (faoliyati tugatiladi). 
Dehqon xo‘jaligini tugatish (faoliyatini tugatish) qonunchilikda belgilangan tartibda amalga 
oshiriladi.
Dehqon xo‘jaligi tasarrufidagi yer uchastkasiga bo‘lgan huquq tugatilganda ko‘chmas mulk 
obyektlariga bo‘lgan huquqlarni davlat ro‘yxatidan o‘tkazuvchi organ bu haqda Ko‘chmas mulk 
obyektlariga bo‘lgan huquqlarning davlat reyestriga tegishli yozuv kiritilgan kunning o‘zida davlat 
xizmatlari markaziga elektron xabarnoma yuboradi. Dehqon xo‘jaligining faoliyati tugatilganligi 
to‘g‘risida Dehqon xo‘jaliklarining yagona davlat reyestriga tegishli yozuv kiritiladi.