Xviii асрда Россияда архив иши

18-асрда Россияда юқори бошқарув муассасалари архивлари. Пётр I бошқаруви вақтида вужудга келган ва қайта ташкил этилган янги юқори бошқарув органлари ҳузурида янги архив идоралари тузилган. Энг йириги ва муҳим аҳамиятга эга бўлгани Сенат Архиви ҳисоблаган. 1711 йилда Москвада ташкил этилган Сенатни, 1713 йилда Петербургга кўчирганларидан сўнг, Сенатнинг иккита канцелярияси вужудга келди – москвадаги ва петербургдаги, ва бинобарин иккита архиви – москва ва петербург архивлари шаклланди. Гарчан петербург архиви расмий тарзда фақат 1763 йилда ташкил қилинган эди. Сенатга, бошқа муассасаларга ва мансабдор шахсларга қаратилган подшонинг манифестлари ва фармонлари, Сенатнинг журналлари, баённомалари ва бошқа ҳужжатлари, Петербургдаги сенат архивида, алоҳида ажратиб қўйилган, жамланган. Мазкур архивда, келгусида кўплаб муҳим сиёсий ҳужжатлар тўпланиб, жамланган. Кейинчалик, Махфий ишлар прикази, Олий махфий кенгаш, вазирлар Маҳкамаси, бир қатор юқори ва марказий муассасаларнинг ҳужжатлари, мана шу архивга келиб тушган. Петербургдаги сенат архивида 1719 йилда биринчи марта “архившунос” лаврзими жорий қилинди.
1721 йилда Россияда православ черковининг муқаддас Синоди ташкил қилинди, унинг улкан ҳажмдаги ҳужжатлари, 1738 йилда Синоднинг бир қисми сифатида мустақил тузилма бўлди ҳамда уни ўзининг архившуноси бошқарди. Ушбу архивда черковни бошқариш, руҳонийларнинг фаолияти, черковлар ва монастирларнинг ҳолати ҳамда даромадлари, ўқув юртларини бошқариш ва бошқа кўплаб масалаларга доир ҳужжатлар сақланган.
Император Маҳкамаси ҳузурида ҳам муҳим аҳамиятга эга ҳужжатлар алоҳида сақланган (1704-1727) – дастлаб Пётр I нинг шахсий канцеляриясида; Олий махфий кенгаш архивида (1726-1731), бу кенгаш ички ва ташқи сиёсатни назорат қилган ҳамда кўплаб ўта муҳим аҳамиятга эга бўлган давлат миқёсидаги масалаларни ҳал этган (1727 йилда Петра I нинг Кабинети архиви ҳам кенгаш архивига ўтказилди); Вазирлар Кабинети фондида (1731-1741); 1741 йилда императрица Елизавета Петровна томонидан қайта тикланган, тузилган императорнинг шахсий канцелярияси архиви ҳам император Маҳкамаси ҳузурида сақланган.