Xudayberdiyeva Mohidil Baxriddin qizi

1.”Aqliy hujum”. 

Bu usul tanlangan mavzu bo’yicha g’oyalarni, fikrlarni tanqidsiz qabul qilishga 

qaratilgan. “Aqliy hujum” usulining vazifasi asosiy g’oyalar bazasini yaratish uchun 

kichik  guruxlar  kuchidan  foydalanishdir.  Ushbu  usulni  muvaffaqiyatli  tashkil  etish 

uchun quyidagi qoidalarga rioya qilish lozim. 

1.O’quvchilarni ishlashlari uchun qulay qilib joylashtirish. 

2.Fikr, g’oyalarni yozib borish uchun qog’oz yoki doskani tayyorlash. 

3.Muammoni o’quvchilar ongiga yetkazish. 

4.”Aqliy hujum” talablarga rioya qilish. Bular: 

a) g’oyalar aytilganda ularni izohlash yoki baholash qat`iyan man etiladi; 

b) fikrlarni erkin bayon etilishini ta`minlash; 

v) g’oyalar qancha ko’p bo’lsa, shuncha yaxshi; 

g) boshqalarning fikrini ilg’ab olish va ularni rivojlantirish. 

5.Fikrlarni so’rash va ularni aytish bilan tezgina yozib qo’yish. 

6.G’oyalar yozilgan qog’oz to’lsa, uni devorga yoki doskaga ilib qo’yish. 

---

50 

 

 

7.O’z fikrini bildirib, yangi g’oyalarning tug’ilishiga turtki berish. 

8.Birovlarning fikridan istehzoli kulish yoki piching qilishga yo’l qo’ymaslik. 

9.G’oyalar tugamaguncha ishni to’xtatmaslik. 

“Aqliy hujum” usulini guruxli yakka va juftliklar asosida tashkil etish mumkin. 

“Aqliy  hujum”  juftliklar  asosida  tashkil  etilganda  o’quvchilarga  alohida  mavzu 

bo’yicha  bilganlarini  yoki  o’z  fikrlarini  alohida  qog’ozga  mustaqil  yozish  aytiladi. 

Bir  necha  daqiqadan  so’ng  yonma-yon  o’tirgan  o’quvchilar  bir-birlariga  o’girilib, 

yozganlarini  o’qib  beradilar.  Ro’yxatni  o’zaro  solishtirib,  juftliklarning  fikrlari 

yozilgan  ro’yxatlar  doskaga  ilib  qo’yiladi.  O’rtaga  tashlangan  mavzu  bo’yicha 

o’quvchilar  o’z  fiklarini  aytib  bo’lganlaridan  so’ng,  o’qituvchi  ularning  fikrlarini 

korrektsiyalaydi va to’ldiradi. Bu usuldan darsning barcha bosqichlarida va tiplarida 

foydalanish mumkin.