Xudayberdiyeva Mohidil Baxriddin qizi

5.Muntazam  takrorlash  prinsipi.

  Didaktik  adabiyotlarda  bu  printsip 

“Takrorlash  -  bilimning  onasi”  iborasi  orqali  talqin  qilinadi.  Bu  printsip  bir  necha 

izohlarni talab etadi:  

5.1.  O’quv  materiali  bilan  birinchi  marta  tanishganda  uni  besh-olti  marotaba 

takrorlash lozim. V.F.Shatalov tizimida bu printsip kuyidagicha amalga oshiriladi: 1) 

o’qituvchi  tomonidan  yangi  materialni  tushuntirish;  2)  ushbu  materialni  o’qituvchi 

tomonidan  tayanch  tushunchalar  yordamida  qisqa  takrorlash;  3)  o’quv  materialini 

tayanch  tushunchalar  yordamida  o’quvchi  tomonidan  darslik  bo’yicha  uyda 

takrorlash; 4) darsda tayanch signallarni o’quvchilar tomonidan yozma ravishda qayta 

xotirlash;  5)  sinfning  yarmi  gapirib,  yarmi  tinglash  shaklida  o’zaro  nazorat;  6) 

o’quvchi  doska  oldida  javob  beradi,  hamma  tinglaydi.  Ana  shunday  miqdordagi 

takrorlash  jarayonida  o’quvchi  butun  o’quv  materialini  o’zlashtirib  olmasa  ham, 

tayanch tushunchalarni bilib oladi. 

---

28 

 

 

5.2.  Doimiy  ravishda  2-3  darsdan  so’ng  o’tilgan  materialga  qaytib,  uni 

takrorlash.  Bu  o’rinda  savol  tug’ilishi  mumkin;  “Vaqtni  qaerdan  olamiz,  axir 

dasturlarda  bu  nazarda  tutilmagan-ku?”  Masalani  hal  qilish  mumkin.  Agar  e`tiborni 

tayanch  tushunchalarga  qaratsak,  vaqt  tejaladi  va  bunga  imkon  tug’iladi.  Darsning 

psixologik  tahlili  shuni  ko’rsatadiki,  o’qituvchilar  darsda  ko’p  gapirib,  ortiqcha 

axborotlar bilan vaqtni behuda sarflaydilar. Bundan qochish kerak. 

5.3.  O’quv  yili  boshida  ishni  materiallarni  takrorlashdan  boshlash.  Chunki 

butun yozgi ta`til mobaynida ko’p narsalar bolalarning yodidan ko’tariladi. Bu tabiiy 

hol bo’lib, sog’lom normal psixika shundan tuzilgan. Har qanday esga olinmaydigan 

ma`lumot  ongdan  ong  ostiga  o’tib  ketadi.  Shuning  uchun  ham  bilimlarni 

aktuallashtirish uchun yil boshida ularni esga tushirish maqsadga muvofiqdir.