Xomashyo materiallari va ularni boyitish 41 6–mavzu: oltingugurt. Aglomeratsiya va yoqilgʻi gazlari. Sulfatli xomashyolar

XOMASHYO MATERIALLARI VA ULARNI BOYITISH 
42 
holatda tashiladi. Koʻpincha oltingugurtga boy boʻlgan tugʻma oltingugurt rudalaridan 
uni flotatsiyalash yoʻli bilan ajratib olinadi. 
Tugʻma rudalardan oltingugurt olish uchun flotatsiyalash va soʻngra flotatsiya 
avtoklavlarida konsentratdan oltingugurtni suyuqlantirish usuli qoʻllaniladi (6.1 – 
rasm). 
6.1 – rasm. Avtoklavlarda flotatsiyalash orqali oltingugurtli konsentratlardan 
oltingugurt olish sxemasi: 
1 – suyuqlantirgich; 2 – flotoreagent eritmalari yigʻgichlari; 3 – flotatsiyalash 
avtoklavlari. 
Kondan keladigan oltingugurtli ruda dastlab tegirmonlarda maydalanadi. Juda 
mayda holatigacha maydalangan ruda flotatsiyalashga yuboriladi. Bunda flotoreagent 
sifatida suyuq shisha, kerosin va S
7
-S
9
spirtlari ishlatiladi. Tarkibida 70-75% 
elementar oltingugurt boʻlgan hosil qilingan konsentrat quyultiruvchilarda, soʻngra 
barabanli filtrlar yoki sentrifugalarda 10-15% namlik qolguncha suvsizlantiriladi. 
Suvsizlantirilgan oltingugurtli konsentrat ochiq suyuqlantirgich 1 ga yuboriladi. 
Suyuqlantirgich unumdorligi oltingugurtli konsentrat namligiga bogʻliq va u 
konsentrat namligi 10-15%, qizdirish yuzasi 1 m
2
boʻlganda 100-150 kg/s ni tashkil 
etadi. Quruq konsentratni suyuqlantirishda unumdorlik 270-300 kg/s gacha yetadi. 
Muntazam ravishda suyuqlangan oltingugurtli konsentrat suyuqlantirgich 1 dan 
120-130
O
C haroratda oltingugurtli suspenziya holatida flotatsiyalash avtoklavi 3 ga 
tushadi. Bu yerga shu bilan bir vaqtda yigʻgich 2 dan flotareagentning suvli eritmasi 
ham beriladi. 
Avtoklavlar poʻlatdan tayyorlangan silindrik idish boʻlib, konussimon taglikka 
egadir. Sirti bugʻli qoplama isitiladi. Avtoklavda aralashtirgichlar boʻladi. 
Avtoklavdagi ikkita shtutserning biridan suyuqlantirilgan oltingugurt, ikkinchisidan 
esa bekorchi jinslar chiqarib olinadi. 

---