Xo‘jalik yurituvchi subyektlarning bank hisobvaraqlaridan pul mablag‘larini hisobdan chiqarish tartibi to‘G‘risidagi yo‘riqnomani tasdiqlash haqida

II. Pul mablag‘lari yetarli bo‘lmagan holda pul-hisob- kitob hujjatlari bo‘yicha mutanosib
ravishda hisobdan chiqarish
10. Kechiktirib bo‘lmaydigan ehtiyojlar uchun mablag‘lar limiti aniqlangandan va zaxira
qilinganidan keyin xo‘jalik yurituvchi subyektning asosiy hisobvarag‘idan pul mablag‘larini
mutanosib ravishda hisobdan chiqarish mazkur Yo‘riqnomaning 5-bandi 
“b” kichik bandida
nazarda tutilgan navbat asosida amalga oshiriladi.
11. Mutanosib ravishda hisobdan chiqarishni amalga oshirish uchun asos bo‘lib quyidagi
hujjatlar xizmat qiladi:
to‘lovchining budjet va davlat maqsadli jamg‘armalariga soliqlar va boshqa majburiy to‘lovlari
bo‘yicha to‘lov topshiriqnomalari;
davlat soliq xizmati organlarining budjet va davlat maqsadli jamg‘armalariga muddatida
to‘lanmagan soliqlar va boshqa majburiy to‘lovlarni undirish borasidagi inkasso topshiriqnomalari;
bojxona xizmati organlari tomonidan muddatida to‘lanmagan bojxona to‘lovlarini undirish
borasida inkasso topshiriqnomalari;
davlat budjeti va davlat maqsadli jamg‘armalarining daromadlariga (jarima va moliyaviy
sanksiyalar hamda boshqa shunga o‘xshash to‘lovlar ko‘rinishidagi) hisobvaraq egasining to‘lov
topshiriqnomalari;
Oldingi
 tahrirga qarang.
O‘zbekiston Respublikasi Bosh prokuraturasi huzuridagi Majburiy ijro byurosi va uning
hududiy tuzilmalari tomonidan qo‘yilgan inkasso topshiriqnomalari;
(11-bandning oltinchi xatboshisi O‘zbekiston Respublikasi Markaziy banki Boshqaruvi, Moliya vazirligi
va Davlat soliq qo‘mitasining 2017-yil 27-iyundagi 321-V-6, 91, 2017-32-sonli 
qarori 
(ro‘yxat raqami. 2342-6,
05.07.2017-y.) tahririda — O‘R QHT, 2017-y., 27-son, 629-modda)
Oldingi
 tahrirga qarang.
xodimlarga ish haqi va unga tenglashtirilgan to‘lovlarni amalga oshirish uchun hisobvaraqda
mablag‘larni band (bron) qilishga doir ariza, shuningdek ish haqidan Kasaba uyushmalariga
ixtiyoriy badallarni, jismoniy shaxslarni daromad solig‘i hamda jamg‘arib boriladigan shaxsiy
pensiya hisobvaraqlariga majburiy badallarini o‘tkazish bo‘yicha xo‘jalik yurituvchi subyekt rahbari
hamda buxgalteriya hisobi va moliyaviy boshqarish vazifalarini amalga oshiruvchi shaxs tomonidan
imzolangan va dumaloq muhr (muhr mavjud bo‘lgan taqdirda, bunda tadbirkorlik subyektlari
tomonidan muhr bilan tasdiqlash talab qilinmaydi) bilan tasdiqlangan reyestr ilova qilingan to‘lov
topshiriqnomalari hamda ish haqi va unga tenglashtirilgan to‘lovlarni undirish borasidagi sud qarori
asosida ijro organlari tomonidan qo‘yilgan inkasso topshiriqnomalari;
(11-bandning yettinchi xatboshisi O‘zbekiston Respublikasi Markaziy banki Boshqaruvi, Moliya vazirligi
va Davlat soliq qo‘mitasining 2019-yil 13-maydagi 321-V-9, 57 va 2019-33-sonli 
qarori 
(ro‘yxat raqami 2342-9,
23.05.2019-y.) tahririda — Qonun hujjatlari ma’lumotlari milliy bazasi, 23.05.2019-y., 10/19/2342-9/3173-son)
Oldingi
 tahrirga qarang.
qonunchilik hujjatlarida nazarda tutilgan boshqa to‘lov hujjatlari.
(11-bandning sakkizinchi xatboshisi O‘zbekiston Respublikasi adliya vazirining 2021-yil 28-iyuldagi 16-
mh-sonli 
buyrug‘i 
(ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi,
28.07.2021-y., 10/21/3313/0724-son)
12. Band (bron) qilishga doir ariza bank bilan kelishilgan grafikdagi kundan bir kun oldin
taqdim etilishi lozim. Band (bron) miqdori ish haqidan ajratmalarsiz shakllantirilgan bo‘lsa hamda
arizada ko‘rsatilgan ish haqiga tenglashtirilgan to‘lovlar summasiga to‘lov topshiriqnomalari bankka
taqdim qilinmasa, bank tomonidan bunday arizalar qabul qilinmaydi.
13. Xo‘jalik yurituvchi subyektlarning asosiy hisobvarag‘iga qo‘yilayotgan birinchi navbatdagi
talablarni mutanosib ravishda qondirish ulushi qarzlarning umumiy hajmidan kelib chiqqan holda
belgilanadi. Mutanosiblikni aniqlashda soliqlar va yig‘imlarning barcha turlari bo‘yicha qarz
budjetga to‘lovlar sifatida bir miqdorga jamlanadi hamda ularga nisbatan bitta ulush aniqlanadi.
Barcha davlat maqsadli jamg‘armalarining barcha talablari ham shunday usulda jamlanadi,
keyinchalik ular davlat maqsadli jamg‘armalari o‘rtasida mutanosib tartibda taqsimlanadi.

---

Oldingi
 tahrirga qarang.
14. Ish haqini berish, shuningdek ish haqi to‘lash uchun olingan kreditlarni qaytarish,
belgilangan miqdorlardagi ushlab qolingan daromad solig‘i, jamg‘arib boriladigan shaxsiy pensiya
hisobvaraqlariga majburiy badallar va Kasaba uyushmasiga ixtiyoriy badallar summalarini o‘tkazish
mutanosib ravishda amalga oshiriladi.
(14-band O‘zbekiston Respublikasi Markaziy banki Boshqaruvi, Moliya vazirligi va Davlat soliq
qo‘mitasining 2019-yil 13-maydagi 321-V-9, 57 va 2019-33-sonli 
qarori 
(ro‘yxat raqami 2342-9, 23.05.2019-y.)
tahririda — Qonun hujjatlari ma’lumotlari milliy bazasi, 23.05.2019-y., 10/19/2342-9/3173-son)
Oldingi
 tahrirga qarang.
15. Mutanosib taqsimlash hisobvaraqdagi mablag‘larning kun boshidagi qoldig‘idan kelib
chiqqan holda amalga oshiriladi. Oyning oxirgi bank ish kunida asosiy hisobvaraqqa kelib tushgan
mablag‘lar kun davomida mutanosib taqsimlanadi.
Xo‘jalik yurituvchi subyektning asosiy hisobvarag‘idagi mablag‘lar unga qo‘yilgan talablarni
qondirish uchun yetarli bo‘lmagan holda, hisobvaraqdan pul mablag‘larini mutanosib ravishda
hisobdan chiqarish mazkur Yo‘riqnomaning 2-ilovasida keltirilgan misol asosida amalga oshiriladi.
Kun davomida hisobvaraqqa kelib tushgan mablag‘lar 2-son kartotekaga yetarli bo‘lganda, 2-
son kartotekadagi mavjud qarzdorlik mazkur Yo‘riqnomaning 
5-bandida 
belgilangan tartibda to‘lab
beriladi, qarzdorlik qoplangandan so‘ng, keyingi to‘lovlar ushbu Yo‘riqnomaning 
2-bandida
belgilangan tartibda amalga oshiriladi.
(15-band O‘zbekiston Respublikasi Markaziy banki Boshqaruvi, Moliya vazirligi va Davlat soliq
qo‘mitasining 2018-yil 19-apreldagi 321-V-8, 82, 2018-40-sonli 
qarori 
(ro‘yxat raqami 2342-8, 25.05.2018-y.)
tahririda — Qonun hujjatlari ma’lumotlari milliy bazasi, 26.05.2018-y., 10/18/2342-8/1276-son)