Xodimlarga ularning mehnat vazifalarini bajarish bilan bog‘liq holda jarohatlanishi, kasb kasalliklariga chalinishi yoki salomatlikning boshqa XIL shikastlanishi tufayli etkazilgan zararni to‘lash to‘g‘risidagi arizani ko‘rib chiqish

MEHNATNI MUHOFAZA QILISH


Tashkilotda mehnatni muhofaza qilish va mehnatning xavfsiz
usullarida ishlash uchun o‘tkaziladigan yo‘riqnomalarning holatini tekshirish bo‘yicha kasaba uyushmasi qo‘mitasiga
TAVSIYANOMA

1. Kirish yo‘riqnomasi korxonaning mehnat muhofazasi bo‘yicha muhandisi yoki uning vazifasini bajaruvchi shaxs tomonidan ishlab chiqiladi.

Kirish yo‘riqnomasi asosida mehnat muhofazasi bo‘yicha muhandis yoki uning vazifasini bajaruvchi shaxs har bir yangi ishga qabul qilinayotgan xodimni uning malakasi, staj, kasb (lavozimi) va bajaradigan ishining turidan qat’iy nazar, shuningdek ishlab chiqarish ta’limi yoki amaliyotiga kelgan o‘quvchilar va talabalarni kirish yo‘rig‘idan o‘tkazadi.
Kirish yo‘rig‘ini olganligi ro‘yxatdan o‘tkazish jurnalida qayd qilinadi.Jurnal sahifalanib, ip (kanop) bilan bog‘lab muhrlanadi. Kirish yo‘riqnomasini qayd qilish jurnali mehnat muhofazasi bo‘yicha muhandisda yoki ish beruvchi tomonidan buyruq bilan yuklatilgan shaxsda saqlanadi.
Kirish yo‘riqnomasi qayd qilinadigan jurnal 1996 yil 29 iyunida O‘zbekiston Respublikasi Mehnat vazirligi tomonidan tasdiqlanib, O‘zbekiston Respublikasi Adliya vazirligidan 1996 yil 14 avgustda
272-raqam bilan ro‘yxatdan o‘tgan «Mehnatni muhofaza qilish bo‘yicha o‘qitishni tashkil qilish va bilimlarni tekshirish to‘g‘risida»gi Namunaviy nizom bo‘yicha quyidagi shaklda yuritiladi:

Titul varag‘i

- - - - - - - - - - - - - - -- - - - - - - - - - - - - - - - - - - - - - - - -- - - - - - - - - - - - - - - - - - - -
________________________________________________________________

2. Ish joylaridagi yo‘riqnomalarni bo‘lim boshliqlari ishlab chiqadilar va kasaba uyushmasi bilan kelishgan holda ish beruvchi tomonidan tasdiqlanadi.

Ish joyidagi mehnatni muhofaza qilish bo‘yicha yo‘riqnomadan muassasaga barcha yangi ishga qabul qilinganlar, bir bo‘limdan boshqa bo‘limga o‘tkazilganlar, ishlab chiqarish ta’limi yoki amaliyotiga kelgan o‘quvchi-talabalar o‘zlari uchun yangi bo‘lgan ishni bajarish uchun bo‘lim boshlig‘i tomonidan o‘tkaziladi.
Ish joyidagi yo‘riqnomadan o‘tkazish har bir xodim bilan yakka tartibda o‘tkaziladi:
- mehnatni muhofaza qilish qoidalari o‘zgarganda;
- texnologiya jarayoni o‘zgarganda, uskuna, moslama, asboblar yoki mehnat xavfsizligiga ta’sir ko‘rsatadigan boshqa omillar o‘zgarganda;
- mehnat xavfsizligi talablari buzilib, ular jarohatlanishga olib kelishi mumkin bo‘lgan yoki olib kelgan paytda;
- ishda uzilish bo‘lganda;
- mehnat xavfsizligining qo‘shimcha (oshirilgan) talablari qo‘yiladigan ishlar uchun 30 kalendar kuni va undan ortiqroq bo‘lganda, boshqa ishlar uchun 60 kun va undan ortiq bo‘lganda.
Ish joyidagi takroriy va rejadan tashqari yo‘riqnoma berishni bevosita ishlarning rahbari o‘tkazadi. Ayni paytda takroriy va rejadan tashqari yo‘riqnoma berish yakka tartib yoki bir kasb xodimlari guruhi bilan o‘tkaziladi. Boshlanich, takroriy va rejadan tashqari yo‘riqnoma berishni o‘tkazish maxsus jurnalda ro‘yxatga olinadi, jurnalning shakli quyidagicha:
Yo‘riqnomaning o‘z vaqtida o‘tkazilishini nazorat qilishni ish beruvchi, mehnat muhofazasi bo‘yicha muhandis va kasaba uyushmasi faollari olib boradilar.
O‘zbekiston Respublikasining «Mehnatni muhofaza qilish to‘g‘risida»gi qonunining 19-moddasiga asosan korxona, tashkilot va muassasalarning ish beruvchilari mehnatni muhofaza qilish bo‘yicha belgilangan tartibda o‘qitishi, yo‘riqnomalardan o‘tmagan va bilimlari tekshiruvdan o‘tmagan shaxslarni ishga qo‘ymasligi majburiydir.
Ishchi va xizmatchilarning bilimlari tekshirilganligini qayd qiluvchi jurnallar O‘zbekiston Respublikasi Adliya vazirligidan 1996 yil
14 avgustda 272-raqam bilan ro‘yxatdan o‘tgan «Mehnatni muhofaza qilish bo‘yicha o‘qitishni tashkil qilish va bilimlarni tekshirish to‘g‘risida»gi Namunaviy nizom asosida yurgiziladi.
Korxona, tashkilot va muassasalarda mehnat muhofazasi bo‘yicha ishni tashkil qilish O‘zbekiston Respublikasi Adliya vazirligidan 1996 yil
14 avgustda 272-raqam bilan ro‘yxatdan o‘tgan «Mehnatni muhofaza qilish bo‘yicha o‘qitishni tashkil qilish va bilimlarni tekshirish to‘g‘risida»gi Namunaviy nizom asosida amalga oshiriladi.