Xiv bob. Investitsiya loyihalarida noaniqlik va qaltislikni

Raqobatchilarni tahlil qilish
Shuningdek marketing rejasi uchun sizda raqobatchilar to‘g‘risida ma’lumotlar bo‘lishi kerak, xususan raqobatchilarning tovarlari, uning sifati, tovarni sotish va xaridorgirlashtirish strategiyasi, narx belgilash strategiyasi, reklama vositalari va hokazo ma’lumot bo‘lishi kerak. Bu kabi ma’lumotlar biznes rejasida o‘z ifodasini topishi kerak. Bu ma’lumotlar investorlar (bank-moliya muassalari) uchun muhimdir. Marketing tadqiqotida quyidagi savollarga javob topilishi kerak.
Shu tovarni eng katta va asosiy ishlab chiqaruvchisi kim? Misol uchun General Motors/GM va Toyota kompaniyalari dunyodagi eng katta avtomobil ishlab chiqaruvchilari bo‘lib hisoblanadi. Ularning xar biri yiliga 12 milliondan ortiq avtomobillar ishlab chiqara olganlar.
Reklamaga ular qancha mablag‘ sarflaydi? Bunday mablag‘ni siz sarflay olasizmi? Ularning mahsulotlari: tovarning asosiy xarakteristikasi? Sifat darajasi? Mahalliy va xalqaro standartlarga mosligi? Tovar haqida xaridorlarning xulosalari? Tovarni dizayni? Qadoqlanishi? Savdo belgisi?Raqobatchilar tovarlarining bozordagi narxi? Narx-navo strategiyasi? Shu kabi ma’lumotlarni biznes rejaga xolisona yozishingiz kerak. Aks xolda investorlar sizni biznes rejangizga ishonmay qo‘yishlari mumkin. Raqobatchilarga sportda xolisona baho berish sportda g‘alaba qozonishning shartlaridan biri. Biznesda ham xuddi shunday. Raqobatchining zaif tomonlari sizga raqobatda imkoniyatlarni
yaratadi, unga xolis baho berib to‘g‘ri kurash strategiyasini tuzish g‘alaba keltiradi.