Xayitbayev abror ismoilovich orol dengizi qurishining quyi amudaryo landshaftlariga ta

6-karta sxema. Quyi Amudaryo hududida atmosfera ifloslanishining 

salbiy ta’sir ko’rsatish zonalari. 

 

---

 

joylarda  saqlab  qolishga  imkoniyat  yaratilmoqda.  Ushbu  daraxtlar  uchib 

kelayotgan changli tuz aerozollari uchun ixota vazifasini o’taydi.  

Jiltirbos,  Baliqchi,  Mo’ynoq  qo’ltiqlarida  tashkil  qilingan  suv 

xavzalarining har yili suv bilan ta’minlanayotganligi ushbu hududlar va ularning 

atroflarida  ekologik  axvolning  bir  muncha  yaxshilanishiga  ijobiy  tasir 

ko’rsatmoqda. Ushbu kichik xavzalar baliqchilikni rivojlantirishga xizmat qilish 

bilan  birga  suvda  suzuvchi  qushlarning  hayot  makoniga  aylangan.  Nisbiy 

namlikning  biroz  bo’lsada oshganligi  daraxt-butalar va o’t-o’simliklarning  zich 

o’sishiga  qulayroq  sharoit  yaratmoqda.  Istiqbolda  ushbu  ko’llar  va 

ko’lmaklarning  umumiy  suv  yuzasi  maydonini  230  ming  gektargacha 

kengaytirish mo’ljallangan. 

Kichik  ko’llar  barpo  etishning  afzalliklari  shundan  iboratki,  birinchidan, 

ushbu ko’llar atrofida qulay va mo’tadil mikroiqlim vujudga keladi; ikkinchidan, 

uning atrofida to’qay landshafti shakllanadi va o’z-o’zidan shu landshaftga xos 

flora  hamda  fauna  dunyosi  rivojlanadi;  uchinchidan,  to’qay  landshaftlarida 

o’suvchi daraxtlar uchib kelayotgan chang-tuz aerozollari uchun ixota vazifasini 

o’taydi. Bundan tashqari ushbu say-xarakatlar natijasida mintaqa hududida yoz 

davrida  suv  xavzalarida  avvalo  baliqchilikni  rivojlantirish,  shuningdek,  yaylov 

va pichanzorlarga suv yuborish, pirovard natijada esa chorvachilik uchun  yem-

xashak bazasini yaratish imkonini beradi.  

2014  yil  oktyabr  oyida  Urganch  shahrida  bo’lib  o’tgan  “Orol  dengizi 

havzasi  regionida  ekologik  katastrofalarning  oqibatlarini  yumshatish”  bo’yicha 

Xalqaro  konferensiyada  vetlandlar  -  mahalliy  suv  havzalari  yaratishga  alohida 

e’tibor berildi.