Xavfsizlik qoidalari

2.3-jadval. Izolyatsiyalovchi qisqichlarning minimal o‘lchamlari

Elektr uskunalarining nominal kuchlanishi, kV	Uzunligi, mm
	izolyatsiyalovchi qismi	dastak
1 gacha	CHeklanmaydi, qo‘llashga qulay holda belgilanadi
6 dan 10 gacha	450	150
10 dan Yuqori, to 35 gacha	750	200

Elektr o‘lchovchi qisqichlar

2.1.24. Elektr o‘lchovchi qisqichlarga qo‘yilgan umumiy texnik talablar GOST 9071-79 da keltirilgan.

2.1.25. Elektr o‘lchovchi qisqichlar elektr uzatish tarmoqlarida ularning yaxlitliligini buzmasdan tarmoqdagi tok, kuchlanish va quvvatni o‘lchash uchun ishlatiladi.

2.1.26. 10 kV kuchlanishgacha bo‘lgan elektr uskunalarida ishlatiladigan elektr o‘lchovchi qisqichlar ishchi, izolyatsiyalovchi qismlar va dastakdan tashkil topgan. Qisqichning ishchi qismi ochilib-yopiladigan magnit o‘tkazgichdan, cho‘lg‘amdan va olib qo‘yiladigan yoki ichiga o‘rnatilgan o‘lchov asbobidan tashkil topgan. Izolyatsiyalovchi qismi va dastagi esa elektroizolyatsiyalovchi materialdan tayyorlanishi va minimal uzunligi 380 mm, dastagi 130 mm bo‘lishi lozim.

2.1.27. 1000 V kuchlanishdan Yuqori elektr uskunalari zanjirlarida o‘lchovchi qisqichlar bilan foydalanilganda chiqariladigan asboblarni ishlatish, shuningdek, o‘lchov chegarasini tok o‘tkazuvchi qismlardan qisqichlarni olmay turib almashlab ulash man qilinadi. O‘lchash ishlari olib borilayotganda qisqichni osilib turgan holda ushlash lozim.

2.1.28. 1000 V kuchlanishgacha bo‘lgan elektr uskunalari uchun qo‘llaniladigan qisqichlar ishchi qismdan (ajratgichli magnit o‘tkazgich, cho‘lg‘am va o‘lchov asbobidan) hamda bir vaqtning o‘zida izolyatsiyalovchi qismli tayanch va dastak vazifalarini bajaruvchi korpusdan iborat.

1000 V dan Yuqori kuchlanishni ko‘rsatuvchi gazorazryadli indikator lampali asboblar

2.1.29. 1000 V gacha va undan Yuqori kuchlanish ko‘rsatgichlariga qo‘yilgan umumiy texnik talablar GOST 20493-75* da keltirilgan.

2.1.30. Elektr uskunalarda kuchlanish bor yoki yo‘qligini aniqlashga mo‘ljallangan ko‘rsatkichlar qo‘lda olib yuriladigan kuchlanish ko‘rsatgichlaridir. Kuchlanish ko‘rsatgichlarining ishlashi gazorazryadli indikator lampadan sig‘im toki o‘tganda yonish prinsipiga asoslangan.

2.1.31. Kuchlanish ko‘rsatgichi ishchi, izolyatsiyalovchi qismlar va dastakdan tashkil topgan. Ishchi qismga uchlik - kontakt, gazorazryadli lampa va kondensatorlar kiradi. Izolyatsiyalovchi qism ishchi qism bilan dastak oralig‘ida joylashgan bo‘lib, bir necha elementdan yasalgan bo‘lishi mumkin. Teleskopik konstruktsiyalarni ishlatishga ham ruxsat beriladi.

2.1.32. Kuchlanish ko‘rsatgichining o‘lchamlari 2.4-jadvalda keltirilgan o‘lchamlardan kam bo‘lishi mumkin emas.

2.1.33. Kuchlanishi 10 kV dan Yuqori bo‘lgan elektr uskunalarida 2.2-jadvaldan uzunlikka mos bo‘lgan izolyatsiyalovchi shtangalarga mahkamlangan. 2 — 10 kV kuchlanish uchun mo‘ljallangan kuchlanish ko‘rsatgichidan foydalanish mumkin.

2.1.34. Kuchlanish ko‘rsatgichining sezgirligi uning lampasi minimal kuchlanishida yonishi bilan, ya’ni signal lampasining barqaror nurlanishi bilan harakterlanadi.

1000 V dan Yuqori kuchlanishda qo‘llaniladigan ko‘rsatgichning yonish kuchlanishi ushbu elektr uskunalari nominal kuchlanishining 25 foizini tashkil qilishi zarur.

2.1.35. Kuchlanish ko‘rsatgichini ishlatishdan oldin uning ishga yaroqliligi maxsus asboblar bilan yoki yaqin yerda joylashgan va oldindan kuchlanish ostidagi tok o‘tkazuvchi qismlarga yaqinlashtirish bilan tekshiriladi.