Xavfsizlik qoidalari

O‘ZBEKISTON RESPUBLIKASI

NAVOIY KON-METALLURGIYA KOMBINATI

NAVOIY DAVLAT KONCHILIK INSTITUTI


“XAVFSIZLIK QOIDALARI”
fanidan
AMALIY MASHGULOTLAR

Kirish

Elektr jihozlarni texnik ekspluatatsiya qilish qoidalari bo’yicha asosiy aniqlanishlar va belgilanishlar, elektr jihozlarni texnik ekspluatatsiya qilishda asosiy talablar: 1000V gacha va undan Yuqori kuchlanishli havoda elektr uzatish liniyalarini, kabel liniyalarni, kuch transformatorlari va reaktorlarni, elektr motorlar, ortiqcha kuchlanishdan himoya qiluvchi qurilmalarni, kondensator va akkumulyator qurilmalarni, kuchlanishi 1000Vgacha va undan Yuqori kuchlanishli taqsimlovchi qurilmalarni, releli himoya va elektroavtomatika, telemexanika va ikkilamchi zanjirlarni, elektr o‘lchash vositalarini va zaminlovchi qurilmalarni ekspluatatsiyasida talablarni o‘rganishdan iboratdir.

Bu fan elektr energetikasi qurilmalarini barchasini texnik ekspluatatsiya qilishda talab etiladigan masalalarini ychishda katta yordam beradi.

Bu uslubiy ko‘rsatma xavfsizlik qoidalari bo’yicha amaliy ishlarni bajarish uchun tayyorlangan. Uslubiy ko‘rsatmada o‘n beshta amaliy ishlar keltirilgan bo‘lib, talabalar elektr qurilmalarda ish olib borganda bajarilishi va rioya qilinishi shart bo‘lgan texnik talablarni o‘rganadilar.

Bu talabalar tomonidan texnik ekspluatatsiya jarayonida o‘zlarining fan bo‘yicha nazariy bilimlarini amaliy yo‘l bilan mustahkamlaydilar va kunikmalar hosil qiladilar.

Uslubiy ko‘rsatma 5310200 «Elektr energetikasi» (tarmoqlar bo‘yicha) yunalishi talabalari uchun mo‘ljallangan bo‘lib, elektr texnikasini barcha sohalari uchun ham tavsiya etiladi.