Xalqaro valyuta bozori

Xalqaro valyuta fondi (XVF) valyuta – moliyaviy sohasida xalqaro hamkorlikni ta’minlovchi tashkilot hisoblanadi va hozirgi paytda 183 a’zolardan iborat. XVF Jahon banki bilan bir vaqtda 1945 yilda Bretton Vuds konferentsiyasi qarori bilan tashkil etilgan. Boshqa mavjud moliya institutlaridan farqli ravishda XVF aynan valyuta munosabatlarini rivojlantirish, jahon valyuta tizimining ishlash tamoyillarini ishlab chiqish va ular bo’yicha faoliyatni ta’minlash, mamlakatlarga valyuta sohasida turli xizmatlarni ko’rsatishga qaratilgan.

XVFning vazifalari asosiy maqsadidan kelib chiqib quyidagilardan iborat:

• 
  xalqaro valyuta – moliyaviy muammolar ustida birgalikda va doimiy ish olib boruvchi tashkilot doirasida xalqaro xamkorlikni rivojlantirish;
  
• 
  xalqaro savdoni kengayishi va rivojlanishini iqtisodiy siyosatning asosiy maqsadi sifatida, aholini yuqori bandlik darajasiga erishish va daromadlarini oshirish, barcha a’zo mamlakatlarda ishlab chiqarish resurslarini rivojlantirish;
  
• 
  valyutalar barqarorligini ta’minlash, a’zo mamlakatlar o’rtasida tartiblashgan valyuta rejimini qo’llash, raqobatda ustunlik beruvchi devalvatsiyani oldini olish;
  
• 
  a’zo mamlakatlar o’rtasida joriy operatsiyalar bo’yicha ko’p tomonlama hisob tizimini tashkil etish, hamda tashqi savdo rivojlanishiga to’sqinlik qilayotgan valyuta cheklovlarini bartaraf etish da ko’mak berish;
  
• 
  milliy va xalqaro darajada ziyon etkazadigan tadbirlardan cheklangan holda, a’zo mamlakatlar to’lov balansini muvofiqlashtirish uchun vaqtinchaga valyuta mablag’larini taqdim etish;
  
• 
  yuqoridagilarga mos ravishda a’zo mamlakatlar to’lov balansidagi tashqi muvozanatning davomiyligini qisqartirish va bunday nomuvafiqliklar ko’lamini kamaytirish.