Xalqaro tijorat ishi

Aralash polisda ob’ekt ma’lum bir reysga yoki ma’lum muddatga sug‘urta qilinadi.
Sug'urta sertifikati - sug’urta jamiyati tomonidan beriladigan hujjat bo’lib, sug’urta bo’lganligini va sug’urta polisi berilganligini belgilaydi.
Muayyan yukka berilgan bunday sertifikat asosan bosh (general) polis yoki valyutalanmagan polis shartlariga ko’ra sug’urtalangan tovarlarga ishlatiladi.
Sug’urtachining talabiga ko’ra sertifikat sug’urta polisiga almashtirilishi mumkin, chunki ko’p davlatlar qonunida sug’urta hujjati sifatida faqat sug’urta polisi tan olinadi.
Sug'urta e'loni (bordero) - sug’urtalanuvchi tomonidan sug’urtachiga sug’urta shartnomasiga kiradigan aloxida jo’natishlar to’g’risida to’liq ma’lumot berganda qo’llaniladi - tomonlar tomonidan tuzilgan valyutalanmagan yoki bosh polis.
Sug'urta hisobi - sug’urtalanish summasi va to’lanishi majburiyligi ko’rsatilgan sug’urtachi tomonidan beriladigan hujjat.
Kovernot - sug’urtachi (sug’urtachi-makler, agent) tomonidan sug’urtalanuvchiga uning sug’urta to’g’risidagi instruktsiyalari bajarilganligi to’g’risidagi hujjat.
Transport hujjatlari
Yuk tashuvchi tomonidan yukni tashish uchun qabul qilib olganligi tasdiqlab beriladi. Dengiz orqali yuk tashilganda bu - konosament, dengiz yo’li yuk xati (nakladnaya), shturman tilxati, dok tilxati deyiladi.
Temir yo’li orqali yuk tashilganda - temir yo’li yuk xati (nakladnaya), yo’l qaydnomasi (vedomost) bo’lishi shart.
Aviatsiya orqali yuk tashilganda - avia yuk xati bo’lishi shart.
Avtomobil yo’li orqali yuk tashilganda - avtotransport yuk xati bo’lishi shart.
Ma’lum bir xudud ichida yuk tashilganda - universal transport hujjati, aralash yuk tashish hujjati bo’lishi shart.